नेपाली कांग्रेसले पार्टीलाई सुधार र रुपान्तरणका लागि बहस चलाउने भएको छ । पार्टी मुख्यालय सानेपामा आयोजित पत्रकार सम्मेलनमा प्रवक्ता देवराज चालिसेले सो कुराको जानकारी दिएका हुन् ।
चुनावको परिणामपछि मिहिन ढंगले १६५ क्षेत्रमा अध्ययन गर्ने र सुधारका लागि विभिन्न क्षेत्र समेटेर बहस गर्ने बताए ।
‘माइक्रो रूपमा १६५ क्षेत्रमा कसरी मत माइग्रेसन भयो भनेर उम्मेदवारसँग सघन अध्ययन विश्लेषण गर्दै करेक्सन गर्नुपर्ने हो, जनताको के अपेक्षा हो, धेरै चीजहरू सुधार्ने कोसिस गर्दै छौं,’ उनले भने, ‘अप्रत्याशित चुनावी परिणाम हो । यस्तो कुरा राजनीतिमा आइरहन्छ । यसमा हाम्रो कमेन्टभन्दा पनि स्वीकारोक्ति प्रधान विषय हो ।’
साभार सेतोपाटी
