नेपाली कांग्रेसले नवनिर्वाचित सांसदहरूका लागि विशेष अभिमुखीकरण कार्यक्रम सञ्चालन गर्ने भएको छ। ललितपुरको कोपुण्डोलस्थित पार्टी केन्द्रीय कार्यालय बी.पी. स्मृति भवनमा बुधवार बसेको केन्द्रीय कार्यसमिति बैठकले यस्तो निर्णय गरेको हो।
पार्टी सभापति गगनकुमार थापाको सभापतित्वमा मंगलबारदेखि बुधवारसम्म बसेको बैठकले फागुन २१ को प्रतिनिधिसभा निर्वाचनबाट प्रत्यक्ष र समानुपातिकतर्फ निर्वाचित सदस्यहरूलाई प्रशिक्षित गर्ने तय गरेको हो। यसका साथै राष्ट्रियसभामा निर्वाचित नयाँ सदस्यहरूलाई समेत आगामी चैत १४ गते अभिमुखीकरण दिइने निर्णय भएको छ।
अभिमुखीकरण कार्यक्रममा संसदीय अभ्यास, प्रक्रिया, प्राथमिकता र पार्टीको प्रतिज्ञाका बारेमा जानकारी दिइने कांग्रेसले जनाएको छ।
साभार नागरिक
