बर्दियामा पाठेघरको मुखको क्यान्सर विरुद्ध बालिकाहरूलाई एचपिभि खोप लगाउने अभियान सुरु हुँदैछ । यही माघ २५ गतेदेखि एचपिभि खोप अभियान सुरु हुने सोमबार स्वास्थ्य कार्यालय बर्दिया द्वारा माघ १९ गते सोमबार आयोजित अभिमुखिकरण कार्यक्रममा जनाइएको हो ।
नेपालमा दैनिक पाठेघरको क्यान्सरको कारणको दिनहुुँ जस्तो ४ जनाको मृत्यु हुने गरेको छ । क्यान्सरको कारण हुने मृत्युलाई रोकथाम गर्नका लागि सरकारले निःशुल्क क्यान्सर विरुद्धको खोप लगाउन सुरु गरेको छ ।
किशोरी बालिकाहरुलाई पछि गएर पाठेघरको मुखको क्यान्सरको संक्रमण हुन सक्ने सम्भावना मध्यनजर गर्दै नेपाल सरकारले महिलाहरुमा पाठेघरको मुखको क्यान्सर गराउने भाइरस विरुद्धको एचपिभि खोप बालिकाहरूलाई दिन लागेको स्वास्थ्य कार्यालय बर्दियाका खोप अभियानका फोकल पर्सन राजु खड्काले जानकारी दिए । ‘यस वर्ष जिल्ला भरका ४ हजार ७ सय किशोरीहरुलाई एचपिभि खोप दिने योजना रहेको र सरकारले अघिल्लो आर्थिक वर्षमा कक्षा ६ र समुदायमा रहेका १० देखि १४ वर्षका किशोरीहरुलाई दिईएको थियो ।’
गत वर्ष २०८१/०८२ मा १० देखि १४ वर्षसम्मका कक्षा ६ देखि १० सम्म पढ्ने २० हजार ४ सय जना बालिकालाई एच.पी.भी खोप लगाइएको थियो ।
चालु आर्थिक वर्षमा अघिल्लो वर्ष छुटेका कक्षा ६ का सम्पुर्ण किशोरीहरु र कक्षा ७ देखि १० वर्षका छुटेका किशोरीहरुलाई खोप दिईनेछ । यो नियमित खोप अभियान हो । जिल्ला स्थित कक्षा ६ देखि पढाई हुने सबै विद्यालयमा खोप लगाईने फोकल पर्सन खड्काले जनाए ।
