नेपाली समाज अहिले पर्वमय बन्दै छ।आजबाट नेपाली हरुको महान पर्व विजया दशमी पर्बको शुभारम्भ भएको छ ।
दशमी पर्वले नेपाली समाजमा बहुआयामिक महत्त्व बोकेको छ।सत्य र न्यायको जीत भएको उत्सवको रुपमा मनाइने यस पर्वको सामाजिक तथा आध्यात्मिक महत्त्व छ।नेपाली समाज सास्कृतिक रुपमा सम्पन्न छ।
विभिन्न चाडपर्वहरुले नेपाली समाजलाई रोचक बनाएका हुन्छन् ।
चाड्पर्वहरु निश्चितरूपमा सामाजिक सम्पत्ति हुन् ।पौराणिक ,ऎतिहासिक तथा सामाजिक जीवनका उल्लेखनीय पक्षहरुलाई समेटेर उत्साहका साथ मनाइने यी पर्वहरुले मानव जीवनलाई उर्जा ,उत्साह र प्रेरणा प्रदान गर्दछ्न।
सामाजिक सद्भाव अभिवृद्धि गर्ने योगदान पुर्याउछ्न र जीवनलाई गतिशील बनाउछ्न।चाड पर्वले संस्कृति ,जीवन शैली ,ऎतिहासिक सन्दर्भको उद्घाटन गर्दै समाजमा भाइचारा र सद्भाव स्थापना गर्न सहयोग पुर्याउछन,चाडपर्वले संस्कृति ,गीत सङ्गीतको प्रवर्द्धनका साथै जन जीवनका सुख दुखलाई उद्घाटन गर्छ ।
दशै पर्वले पौराणिक विम्वलाई जीवनमा अनुवाद गर्छ सदभावका पक्षमा समाजलाई प्रेरित गर्छ र समानताको भाव जागृत गर्न सहयोग पुर्याउछ।यस्ता पर्वहरु हाम्रा मौलिक गौरव हुन् ।
यिनको मौलिकतालाई बचाउदै र यिनैले स्थापित गर्न खोजेको मूल्यलाई आत्मसात गर्न सकेमा समुन्नत समाज निर्माणमा योगदान पुग्न सक्छ ।तर हामीले त्यसो गर्न सकेका छैनौं ।चाड पर्वको नाममा अहिले समाजमा धेरै विकृतिहरु बढ्न थालेका छन् ।
फजुल खर्च,आडम्वर,गहना र आभूषणको प्रदर्शन ,अनियंत्रित खानपिन ,छाडा र अशोभनीय गीत सङ्गीतको प्रयोग आदिले पवित्र पर्वहरु विकृति उन्मुख बन्न थालेका छन् ।सचेत नागरिकहरुले समाजलाई विकृत हुनबाट बचाउन खबरदारी गर्नु पर्छ ।हाम्रा संस्कृतिहरुको मौलिकता बचाउन चाडपर्वहरुलाई विकृत हुन दिनुहुदैन।
