बर्दियाको मधुवन नगरपालिका वडा नं ३ मा अवस्थित सीमा सुरक्षा बल (वि.ओ.पी.) धनौरा वर्दियामा सीमा सहजीकरण समितिको समन्वय मासिक बैठक सम्पन्न भएको छ ।
सशस्त्र प्रहरी बलका सशस्त्र प्रहरी निरीक्षक गणेश प्रसाद आचार्य लाई मधुवन नगरपालिका वडा नं ३ का वडा अध्यक्ष तथा सीमा सहजीकरण समितिका संयोजक नारायण मल्लले वडा का वस्तुस्थिति का बारेमा जानकारी दिनुभएको थियो । गठन गरिएको सीमा सहजीकरण समितिले विविध विषयहरुमा छलफल गरी कार्यान्वय गर्ने गरी सीमा ईलाकामा हुने आपराधिक गतिविधि नियन्त्रण तथा सूचना आदानप्रदानका साथ लागूऔषध नियन्त्रण, मानव बेचबिखन नियन्त्रण, अवैध चोरीपैठारी लाई नियन्त्रण गर्ने निर्णय भएको सीमा सहजीकरण समितिका संयोजक एवं बडा अध्यक्ष मल्लले जानकारी दिए ।
कार्यक्रममा सीमा सहजीकरण समितिका सदस्यहरु नेपाल पत्रकार महासंघका कोषाध्यक्ष हरी गुरुङ्ग, साना हात नेपालका उजेली चौधरी र स्थानीय राजु गिरीका साथ वडा सदस्य राम बहादुर थारु, नागरिक समाज अगुवा बरघर फूलाराम थारु, मधुवन नगरपालिका बडा नं ३ धनौरामा अवस्थित प्रहरी चौकी धनौराका प्रहरी सहायक निरीक्षक लोकेन्द्र आरसी, सशस्त्र प्रहरी नायब निरीक्षक राजन न्यौपाने लगायत स्थानीय बासीहरुको उपस्थिति रहेको थियो ।
