बर्षायामको सुरुवातसगै विभिन्न प्रकारका बोट विरुवा लगाउने क्रन सुरु भएको छ । लविभिन्न पालिकाहरु, वडा कार्यालय, संघ संस्था, युवा क्लब, आमा समूह, विद्यार्थी सङ्गठन लगायतका संस्था समूहहरुको सकृयतामा बोटविरुवा लगाइने गरिएको पाइन्छ । सडक किनार, नदी किनार, शिक्षण संस्था लगायत अन्यत्र पनि खाली जमिन हेरेर विभिन्न प्रकारका विरुवा रोप्दै गरेको दृष्य जतासुकै देख्न सकिन्छ । विरुवा रोप्ने कार्यक्रमको आयोजना गर्ने कतिपयले त विरुवा रोप्ने कार्यक्रमलाई प्राचारात्मक बनाएको पनि पाइन्छ ।
वातावरण संरक्षण र ठाउको सौन्दर्य अभिवृद्धि गर्ने दृष्टिले विरुवा रोप्ने कार्यक्रम अत्यन्तै सकारात्मक छ । हामी सबैले यस्ता कार्यक्रमहरुलाई प्रोत्साहित गर्नु पर्छ ।
विरुवा रोप्दै गर्दा त्यससग जोडिएको ती विरुवाको संरक्षण र रेखदेखको पाटो तर्फ भने कसैको पनि ध्यान पुगेको देखिदैन । जुन रुपमा बृक्षारोपण भइ रहेको छ, त्यही रूपमा संरक्षण पनि गर्न सकेको भए हरियालीले सर्वत्र ढाक्ने थियो तर वोट लागाउनेहरुको ध्यान संरक्षणमा जान सकेको छैन । समुदायमा पनि वोटविरुवा संरक्षण गर्ने दायित्व साझा हो भन्ने चेतना निर्माण गर्न सकिएको छैन । यस विषयमा पनि अब सोचिनु पर्छ ।बोट लागाउनु मात्र प्रमुख कुरा होइन, विरुवा बचाउने र बढाउने काम पनि त्यतिकै महत्वपूर्ण काम हो । सरोकारवालाले सचेत हुन आवश्यक छ ।
