राजनीतिमा महिलाको सहभागिता र नेतृत्व प्रवद्र्धन गर्ने उद्देश्यले ‘कल्प इम्पावर वेमेन नेपाल’ले “शी लिड्स आइकन”को दोस्रो संस्करणका लागि ३१ जना प्रेरणादायी महिला जनप्रतिनिधि मध्य ठाकुरबाबा नगरपालिकाको नगर उपप्रमुख बिना कुमारी भट्टराई छनोटमा परेकी छन् ।
देशभरका स्थानीय तहमा निर्वाचित महिला प्रमुख, उपप्रमुख, अध्यक्ष र उपाध्यक्षहरूमध्येबाट ३१ जना छनोट भएकोमा बर्दियाकी महिला उपप्रमुख भट्टराई रहिकी छन् ।
“शी लिड्स आइकन” कल्प इम्पावर वेमेन नेपालको ‘राजनीतिमा महिला’ परियोजना अन्तर्गतको कार्यक्रम हो । दोस्रो संस्करणका लागि १३१ जना महिला जनप्रतिनिधिले आवेदन दिएका थिए । जसमध्ये प्रक्रिया पूरा भएका १११ आवेदनमाथि मूल्यांकन गरिएको थियो ।
नेतृ अष्टलक्ष्मी शाक्य, सञ्चार तथा ब्रान्ड रणनीतिज्ञ चारु चड्ढा र लैंगिकता तथा समानता विशेषज्ञ सरु जोशी रहेको निर्णायक मण्डलले ३१ जनालाई छनोट गरेको थियो ।
प्रदेशगत रूपमा कोशी प्रदेशबाट ४, मधेश प्रदेशबाट ५, बागमती प्रदेशबाट ५, गण्डकी प्रदेशबाट ४, लुम्बिनी प्रदेशबाट ४, कर्णाली प्रदेश बाट ४ र सुदूरपश्चिम प्रदेशबाट ५ जना प्रेरणादायी महिला जनप्रतिनिधि छनोटमा परेका छन् ।
आयोजक संस्था कल्पकी अध्यक्ष पुजा कोइरालाका अनुसार छनोट भएकाहरु मध्येबाट ७ जनालाई आइकन घोषणा गरिनेछ । आइकन छनोट जनमत, ग्राउन्ड रिपोर्ट र निर्णायक मण्डलको अन्तर्वार्ता माध्यमबाट गरिनेछ ।
