किशोरकिशोरी र अभिभावक हरूमा यौन तथा प्रजनन स्वास्थ्यबारे सही ज्ञान अभिवृद्धि गर्ने उद्देश्यका साथ मधुवन नगरपालिका–८ स्थित न्यु ल्याण्ड एकेडेमीमा आज विशेष सचेतना कार्यक्रम सम्पन्न भएको छ ।
कार्यक्रममा सुशील कोइराला प्रखर क्यान्सर अस्पताल, खजुरा बाकेका कन्सल्टेन्ट स्त्री तथा प्रसूति रोग विशेषज्ञ, क्यान्सर रोग विशेषज्ञ तथा ल्याप्रोस्कोपिक सर्जन डा. इन्द्रनिल घोषले सहजीकरण गर्दै किशोरावस्थामा हुने शारीरिक, मानसिक र भावनात्मक परिवर्तनका साथै यौन तथा प्रजनन स्वास्थ्यका संवेदनशील पक्षहरूबारे विस्तृत प्रस्तुति दिए ।
डा. घोषले किशोरावस्था जीवनको महत्वपूर्ण चरण भएकाले यस समयमा सही जानकारी, सुरक्षित अभ्यास र खुला संवाद आवश्यक हुनेमा जोड दिए । उनले विद्यालय र अभिभावकको सक्रिय भूमिकाले मात्र किशोर/किशोरी हरूलाई स्वास्थ्य जोखिमबाट जोगाउन सकिने बताए ।
कार्यक्रममा विद्यार्थी, अभिभावक, विद्यालयका शिक्षक–कर्मचारी तथा समुदायका प्रतिनिधि हरूको उल्लेख्य उपस्थिति रहेको थियो । सहभागीहरूले कार्यक्रम अत्यन्तै उपयोगी र जीवनोपयोगी भएको प्रतिक्रिया दिएका छन् ।
न्यु ल्याण्ड एकेडेमीका प्रीन्सिपल बिनोद चन्दले आगामी दिनमा पनि स्वास्थ्य, शिक्षा र सामाजिक चेतनामूलक यस्ता गतिविधि निरन्तर सञ्चालन गरिने बताएक छ्न ।
