सामुदायीक उत्थान मञ्चको चौथो साधारण सभा तथा दोस्रो अधिवेशन सम्पन्न भएको छ । अधिवेसनबाट सामुदायीक उत्थान मञ्चको अध्यक्ष पदमा पुन सितापति चौधरी सर्वसम्मत चयन भएकी छिन ।
साउन २६ गते राजापुरको सरस्वती सामुदायीक वनको भवनमा भएको कायक्रमका सामुदायिक उत्थान मञ्चमा सदस्यहरुले पुन सितापति चौधरीलाई पुन अध्यक्ष पदमा सर्वसम्मत गरेका हुन ।
कार्यक्रममा सामुदायिक उत्थान मञ्च सस्थाका सह–सचिव प्रमिला थारुले आर्थिक वर्ष २०८१/०८२ को प्रगति प्रतिवेदन प्रस्तुत गर्दै आगामी आर्थिक वर्ष ०८२/०८३ का लागि कार्यक्रम र योजनाका बारेमा जानकारी दिनुभयो ।
लामो छलफल पछि अध्यक्ष पदमा सर्वसम्मति सितापती चौधरी को अध्यक्षतामा ११ सदस्यीय नयाँ कार्यसमिति र ३ सदस्यीय सल्लाहकार समिति गठन गरिएको छ ।
कार्यक्रमका राजापुर नगरपालिका वडानं ८ का वडा अध्यक्ष राजकिरण चौधरीले नेतृत्वदायी संस्था भएको कारण पदाधिकारीहरूले आफ्नो नेतृत्वलाई प्रखर बनाएर संगठनलाई अगाडि बढाउनुपर्नेमा जोड दिए । नवगठित कार्यसमितिलाई थारु महिला उत्थान केन्द कार्यकारी निर्देशक प्रिज्मा सिंह थारुले शुभकामना तथा बधाई व्यक्त गर्दै संस्थालाई बलियो बनाउँदै स्थापित संस्थाहरूको सिकाइलाई आधार बनाएर अगाडि बढ्न सुझाव दिइन ।
थारु महिला उत्थान केन्द्र, गुलरिया ले विगत तीन वर्षदेखि लुर्थन विश्व फिडरेसनको आर्थिक सहयोगमा राजापुर नगरपालिकाका वडा नं.४, ७, ८ मा समुदाय शक्तिकरण तथा विकासका लागि २६ वटा कृषि समूह, ५ वटा समुदायस्तरिय विपद् व्यवस्थापन समिति, ३ वटा वडा स्तरीय समुदायमा आधारित संस्था, १ वटा सामुदायीक उत्थान मञ्च र १ वटा अपाङ्गता उत्थान केन्द्र मार्फत स्थानीय सरकारसँग समन्वय गरी विविध कार्यक्रम सञ्चालन गर्दै आएको छ ।
