वैकल्पिक जिविकोपार्जनका लागि स्थानीय कृषकहरुलाई व्यावसायीक तरकारी तालिम दिइएको छ । उज्यालो नेपालको आयोजना, जेड.एस.एल. नेपालको आर्थिक सहयोग र ठाकुरबाबा नगरपालिकाको समन्वयमा साउन २७ गते र साउन २८ गते दुई दिने जिविकोपार्जनका लागि व्यावसायिक मौसमी तथा बेमौसमी तरकारी खेति तालिम संचालन गरिएको उज्यालो नेपालका अध्यक्ष नवराज न्यौपाने बताए ।
ठाकुरबाबा नगरपालिका भित्रका रहेका स्थानीय कृषकहरुलाई आय–आर्जनमा जोड्ने उद्देश्यका साथ गठन गरिएका ठाकुरबाबा नगरपालिका वडा नं २ मा गठन गरिएको सत्घरुवा वैकल्पिक जिविकोपार्जन समुह र तिनघरुवा वैकल्पिक जिविकोपार्जन समुहका आवद्ध भएका कृषकहरुलाई व्यावसायिक मौसमी तथा बेमौसमी तरकारी खेति तालिममा सहभागिता रहेको समेत अध्यक्ष न्यौपानेले जानकारी दिए ।
तरकारी खेति तालिम लिए पछि मौसमी तथा बेमौसमी तरकारी उत्पान गरि थोरै भए पनि हामी जस्ता कृषकहरुले उत्पादन गरेको तरकारी बिक्रिवितरण गरि जिवि–कोपार्जनका लागि आएआर्जन हुने सत्घरुवा वैकल्पिक जिविकोपार्जन समुह चित्रप्रसाद पाण्डेले बताए । दुई दिने सम्म संचालन हुन मौसमी तथा बेमौसमी तरकारी खेती तालीममा करिव ३० जना सहभागि रहेको छ ।
तालिम लिए पछि आफुले लिएको तालिम अरुलाई पनि सिकाएर सामुहिक तरकारी खेति गर्न समेत सकिने तिनघरुवा जिविकोपार्जन समुहका अध्यक्ष रमेश चौधरीले भने । कार्यक्रममा ठाकुरबाबा नगरपालिका वडा नं २ का बडाअध्यक्ष कमल प्रसाद चपाई, रामनगर मध्यवर्ती उपभोक्ता समितिका सचिव बिष्णु बहादुर शाही लगायत स्थानीयहरु को सहभागिता रहेको थियो ।
