बर्दियाको गेरुवा गाउँपालिका वडा नम्बर ६ गुप्तिपुरस्थित कर्णाली नदी किनारमा एक अज्ञात पुरुषको शव फेला परेको छ ।
मंगलवार दिउँसो करिब ३ बजेको समयमा स्थानीयवासीले नदी किनारमा शव देखेपछि प्रहरी चौकी मनाउलाई जानकारी गराएका थिए । सूचना प्राप्त हुनासाथ प्रहरीले लाश बरामत गरि पोष्ठमाटमका लागि प्राथमिक स्वास्थय केन्द्र राजापुरमा पठाएको जिल्ला प्रहरी कार्यालय बर्दियाका प्रहरी नायब उपरीक्षक चक्र बहादुर डमरपालले जानकारी दिए ।
शवको प्रारम्भिक विवरण अनुसार पुरुष भएको निजको उमेर करिब ५०–५५ वर्ष जति देखिएको, क्षेत्री मूलको जस्तो देखिने, काँधमा जनै लगाएको र जनैमै चापी पनि राखिएको डमरपालले बताए ।
घटनाबारे थप अनुसन्धान भइरहेको प्रहरीले जनाएको छ ।
