बढैयाताल गाउँपालिका वडा नम्बर ६ मा रहेका अति विपन्न परिवारहरूले निःशुल्क धुवाँरहित चुलो पाएका छन् । श्रीमा ग्रुप लिमिटेड भारतको सहयोगमा, ६ नं. वडा कार्यालय बढैयाताल गाँउ पालिकाको समन्वयमा बुधवार आयोजित कार्यक्रममा ५० परिवार लाई सुधारिएको चुलो वितरण गर्दा विपन्न परिवारका सदस्यहरु को अनुहारमा खुसी देखियो ।
पहिलो चरणमा श्रीमा ग्रुपले उपलब्ध गराएको ५० थान चुलो वडाभित्रका अति विपन्न परिवार हरूमध्ये छानिएर वितरण गरिएको वडा अध्यक्ष शुक्रराज सापकोटाले जानकारी दिए ।
कार्यक्रममा श्रीमा ग्रुप लिमिटेडका प्रतिनिधि अजय कुमारले बाँके जिल्लामा पनि यसअघि यस्ता चुलो वितरण गरिएको र अब बर्दिया जिल्लामा वितरणको सुरुवात बढैयातालबाट गरिएको जानकारी दिए । उनले भने, “धुवाँरहित चुलोले खाना पकाउँदा कम दाउरा लाग्ने, धुवाँ नआउने भएकाले स्वास्थ्य र वातावरण दुवैमा सकारात्मक असर पु¥याउँछ । यदि स्थानीय सरकारसँग समन्वय रह्यो भने आगामी दिनमा हरेक घरघरमा चुलो पु¥याउने हाम्रो प्रतिबद्धता छ ।“
कार्यक्रममा बढैयाताल गाउँपालिकाका प्रमुख प्रशासनिक अधिकृत अर्जुन थारुले श्रीमा ग्रुपलाई धन्यवाद दिँदै वातावरण संरक्षण र मानव स्वास्थ्यमा योगदान पु¥याएको भन्दै प्रशंसा व्यक्त गरे ।
उक्त वितरण कार्यक्रममा गाउँपालिकाका लेखा अधिकृत नारायण राज त्रिपाठी, विद्यालय व्यवस्थापन समितिका अध्यक्ष गोविन्द त्रिपाठी, वडा सचिव शिव शर्मा, प्रतिनिधि दाताहरू अजय कुमार र सन्तोष पाण्डे, सञ्चारकर्मीहरू तथा लाभान्वित परिवारका सदस्यहरूको उल्लेख्य उपस्थिति रहेको थियो ।
