अन्तराष्ट्रिय बाघ दिवसको अवसरमा बर्दियामा विभिन्न कार्याक्रम गरि मनाईएको छ । बाघ चित्रकला प्रर्दशनी, वन्यजन्तु र मानव बिच सहअस्तित्व बारे अन्तरक्रिया, बाघ संरक्षण ¥याली, अनुहारमा बाघको आकृती बनाउने लगाएका गतिविधि गरिएको हो ।
विश्व बाघ दिवसको अवसर पारी नयाँ पुस्तालाई संरक्षण र बाघको बारेमा जानकारी दिने उद्देश्यले कार्यक्रम गरिएको चोरी सिकार नियन्त्रण युवा परिचालन अभियानका सदस्य रामराज ढकालले जानकारी दिए ।
‘जबसम्म समुदाय संरक्षण काम लाग्दैन । तबसम्म संरक्षण काममा विभिन्न अवरोध आउन सक्छ । त्यसकारण नयाँ पुस्तालाई संरक्षणका कुरा बुझाउन बाघ दिवसको अवसर पारेर विभिन्न कार्याक्रम गरिएको छ ।’ ढकालले भने ।
कार्यक्रममा बीबीएस मेमोरियल स्कुल, नेपाल राष्ट्रिय माध्यमिक विद्यालय ठाकुरद्वारा, जय लर्ड बुद्ध स्कुल, जगदम्बा माध्यामिक विद्यालय मढेलाका विद्यालयहरुका सैयौ विद्यार्थीहरुको सहभागिता रहेको थियो ।
