नाग पञ्चमी तथा गुरिया पर्वको अवसर पारेर समाजसेवी स्व. कालीराम चौधरीको शालिक अनावरण गरिएको छ । बारबर्दिया नगरपालिका ५ मगरागाडी बर्दिया मा निर्माण भएको शालिकको बारबर्दिया नगरपालिका प्रमुख छबि लाल थारुले शालिक अनावरण गरिएको हुन् ।शालिक अनावरण कार्यक्रममा स्व. कालीराम चौधरीको धर्म पत्नी चिन्की थरुनीको पनि उपस्तिथि रहेको थियो ।
स्व. कालिराम चौधरी २००७ साल को सशस्त्र क्रान्ती देखि नै राजनीतिका सहभागी हुदै मगरागाडी प्रधानपंच पदमा २०१८ साल देखि लगातार दुई पटक, साथै २०३८ सालमा तेस्रो पटक गाउँ पंचत प्रधानमा निर्वाचित हुनु भएको थियो ।
समाजसेवि स्वर्गीय चौधरिले बिगतमा गरेका सामाजिक, राजनैतिक र सास्कृतिक कार्यहरु को कदर गर्दै बारबर्दिया नगरपालिकाले शालिक निर्मण गरिएको बारबर्दिया नगरपालिका नगरप्रमुख छविलाल थारुले बताए ।
बारबर्दिया नगरपालिकाका प्रमुख प्रशासकीय अधिकृत टिका नाथ गोसाईले शालिक निर्माणको लागि १४ लाख ३८ हजार २ सयको लागतमा निर्माण भएको बताउनु भएको छ ।
स्व.चौधरीले यस क्षेत्रका रहेका विद्यालयहरु निर्माण, बाटो निर्माण, चर्चिक धार्मिक स्थलहरु निर्माण, कुलापानी संचालन, खोला नालाहरुमा काठेपुल निर्माण लगाएतका विकास निर्माणका थुप्रै कार्यहरु भएको नगरप्रमुख छवि लाल थारुले बताए ।
विक्रम सम्वत १९८४ साल चैत २८ गते जन्म भएको स्वर्गीय चौधरीको २०६१ साल चैत ४ गते निधन भएको थियो । जनमत संग्रहमा बहुदलीय व्यवस्था पक्षमा सक्रिय रहनुभएको चौधरीले राजा द्वारा ‘तक्मा’ र ‘कदरपत्र’ समेत प्राप्त गर्नु भएको थियो ।
