बर्दियाको मधुवन नगरपालिका वडा नम्बर ४ र बारबर्दिया नगरपालिका वडा नम्बर २ जोड्ने कुमराघाटमा झोलुङ्गे पुल निर्माण हुने भएको छ ।
झोलुङ्गे पुल निर्माणका लागि साउन १२ गते आज तयारी स्वरूप प्रारम्भिक सर्वेक्षण सम्पन्न गरिएको बारबर्दिया नगरपालिकाका नगरप्रमुख छविलाल थारुले जानकारी दिए ।
मधुवन ४ र बारबर्दिया २ जोड्न कुमराघाटमा झोलुङ्गे पुल निर्माण भएपछि दुई नगरपालिका बिचको आवतजावत सहजताका साथै कृषकहरूलाई कृषि जन्य बस्तु बजारमा लैजान सहज भई स्थानीयवासीको आयआर्जन गरेर लाभान्वित हुने समेत नगरप्रमुख थारुलो भने ।
कुमराघाटमा सस्पेन्सन ब्रिज डिभिजन कार्यालय पुल्चोक, ललितपुरबाट आएको प्राविधिक टोलीले प्रारम्भिक सर्वे गरिसकेको र टोलीले पुल निर्माणको सम्भाव्यता, भौगोलिक अवस्था र आवश्यक पूर्वाधारको प्रारम्भिक अध्ययन गरेको समेत नगरप्रमुख थारुले बताए ।
साउन १२ गते गरिएको अनुगमनमा सस्पेन्सन ब्रिज डिभिजन कार्यालय पुल्चोक ललितपुरका प्राविधिक टोलीका साथ मधुवन नगरपालिकाका प्रवक्ता मेघबहादुर गुरुङ, मधुवन नगरपालिका वडा नं. ४ का अध्यक्ष बलिराम चौधरी, बारबर्दिया नगरपालिका बाड न २ का वडा अध्यक्ष रामफेरन थारु, बारबर्दिया नगरपालिका वडा न ६ का झगबहादुर वली क्षेत्री लगायत स्थानीयहरुको उपस्थिती रहेको थियो ।
