बर्दिया स्थित बढैयाताल गाउँपालिका वडा नम्बर ४ मानखोलामा एक पुरुषको शव फेला परेको छ ।
स्थानियले पानीमा घोप्टो परेको अवस्थामा शव देखेपछि टेलिफोनमार्फत प्रहरीलाई जानकारी गराएपछि ईलाका प्रहरी कार्यालय मैनापोखरबाट खटिएको प्रहरीले प्रारम्भिक अनुसन्धान गरि शव जिल्ला अस्पतालमा राखिएको जिल्ला प्रहरी कार्यालय बर्दियाका प्रहरी नायव उपरीक्षक चक्रबहादुर डमरपालले जानकारी दिए ।
मृतकको हुलियामा उमेर अन्दाजी ५०–५५ वर्षको पुरुष रहेको शवको उचाई ५ फिट ५ ईन्च वर्ण कलसाउँदो रहेको प्रहरी जनाएको छ । मृतक व्यक्तिले माथि खरानी रङ्गको जेन्स कुर्ता, भित्र रातो गन्जी तल खरानी रङ्गको हाफ पाइन्ट (कड्डु) र टाउकोमा कालो भातगाउँले टोपी लगाएको प्रहरी नायव उपरीक्षक डमरपालले बताए ।
शवलाई चिनेका आफन्त वा सम्बन्धित व्यक्तिहरूले जिल्ला प्रहरी कार्यालय बर्दिया वा नजिकको कुनै पनि प्रहरी कार्यालयमा तुरुन्त सम्पर्क गर्न डमरपालले अनुरोध गरेका छन् ।
