बर्दियामा आर्थिक बर्ष २०८१/०८२ मा आत्महत्या गर्नेको संख्या १ सय ४६ जना रहेको जिल्ला प्रहरी कार्यालय बर्दियाले जानकारी दिएको छ ।
साउन ४ गते आईतबार जिल्ला प्रहरी कार्यालय बर्दियाले पत्रकार भेटघाट कार्याक्रममा गत आर्थिक बर्ष २०८१/०८२ को तथ्याङ्क अनुसार १ सय ४६ जनाको आत्महत्या घटना दर्तामा झुण्डीयर आत्महत्या घटना १ सय २९ जना र विष सेवन गरि आत्महत्या गर्नेको सख्या १७ जना गरि १ सय ४६ जनाको घटना दर्ता भएको जिल्ला प्रहरी कार्यालय बर्दियाका प्रहरी उपरीक्षक केदार खनालले बताए ।
यसरी तथ्याङ्कलाई आधार मानेर हेर्दा झुण्डिएर, विष सेवन गरेर प्रत्यक वर्ष आत्महत्या गर्नेहरूको सङ्ख्यामा वृद्धि भइरहेको प्रहरी उपरीक्षक खनालले भने ।
आत्महत्यालाई न्यूनीकरण गर्न सबैले सहयोग गर्नुपर्ने साथै आत्महत्याका धेरै कारणमध्ये मानसिक रोगका कारण, आर्थिक अवस्थाको कारणले समेत आत्महत्या संख्या बढ्दो रहेको खनालले बताए । समाजमा आत्महत्याको कारणहरू हेर्दा सामाजिक सञ्जाल र सामाजिक सञ्जालको दुरुपयोग, बाल विवाह, बहु विवाह जस्ता कारणले पनि आत्महत्या बढेको समेत खनालले जानकारी दिए ।
