बर्दिया / बर्दियामा लागुऔषध औसार–पसारमा संलग्न २ सय १६ जना लाई नियन्त्रणमा लिएको जिल्ला प्रहरी कार्यालय बर्दियाले जानकारी दिएको छ ।
आर्थिक बर्ष २०८१/०८२ मा विभिन्न किसिमका लागुऔषधका साथ बर्दिया प्रहरीले २ सय १६ जनालाई नियन्त्रणमा लिएको जिल्ला प्रहरी कार्यालय बर्दियाका प्रहरी उपरीक्षक केदार खनालले जानकारी दिए ।
पछिल्लो क्रममा बर्दिया प्रहरीले लागुऔषध कारोवार र सेवनकर्ता विरुद्ध सिमामा आउजाउमा कडाइ गरे संगै प्रहरीले अधिकांश सिमा नाक बाट लागुऔषध कारोवारी र सेवनकर्ता पक्राउ पर्ने संख्यामा बृद्धि भएको छ । लागुऔषध सेवनकर्ता हरुलाई नियन्त्रणका लागि गत आर्थिक बर्षमा लागुऔषध कारोवार र सेवनकर्ता विरुद्ध ३ महिने बिषेश अभियान समेत जिल्ला प्रशासन कार्यालय बर्दियाले चलाएको थियो । साथै बर्दिया प्रहरीले जिल्ला भरि लागुऔषध बिरुद्ध विद्यालय हरुमा, समुदायहरुमा र सिमावर्ती क्षेत्रमा जनचेतनामुलक सचेतना कार्यक्रम हरु समेत संचालन गरेको थियो ।
लागुऔषध औसारपसारमा संलग्न पक्राउ परेकाहरु मध्यमा सबभन्दा बढि लागु्औषध ब्राउनसुगर सहित १ सय ८४ जना पक्राउ परेको र चरेश सहित ५ जना, अफिम सहित ४ जना, गाँजा सहित ६ जना, क्यापसुल सहित ४ जना, सिरप सहित १ जना र ट्यावलेट सहितमा १२ जना गरी २ सय १६ जनालाई प्रक्राउ गरिएको खनालले बताए ।
पक्राउ परेकाहरुबाट बरामत भएको लागुऔषधहरुमा ब्राउन सुगुर १ सय ४४ ग्राम ८ सय ९६ मि.ग्रा., चरेश २ के.जि १ सय ६ ग्राम ८ सय मि.ग्रा., अफिम २१ कि.ग्रा. ५ के.जि. ७० ग्राम ३ सय मि.ग्रा, गाँजा ५ के.जि ८ सय ७१ ग्राम १ सय ८० मि.ग्रा, क्यापसुल २६ पिस, सिरप २ बोतल, ट्यापलेट १ सय १८ गोटा रहेको प्रहरी उपरीक्षक खनालले जानकारी दिए ।
