काठमाडौँ /नेपाल आयल निगमले पेट्रोलियम पदार्थको भाउ घटाएको छ । भारतीय आयल निगमले मंगलबार पेट्रोलमा ५ रुपैयाँ ३ पैसा र डिजेलमा १ रुपैयाँ ३० पैसा घटाएर पठाएपछि नेपाल आयल निगमले मूल्य समायोजन गर्दै पेट्रोलमा ५ तथा डिजेलमट्टितेलमा १ रुपैयाँ घटाएको हो ।
निगमले जारी गरेको विज्ञप्तिमा एलपीजी ग्यासको मूल्यबारे भने उल्लेख छैन । निगमका प्रवक्ता मनोजकुमार ठाकुरका अनुसार ग्यासको मूल्य हरेक ३० तारिखमा मात्रै आउने गर्दछ ।
मूल्य घटेसँगै पहिलो, दोस्रो र तेस्रो वर्गमा डिजेल र मट्टितेल क्रमशः प्रतिलिटर एक सय ४५ रुपैयाँ ५० पैसा, एक सय ४७ रुपैयाँ र एक सय ४८ रुपैयाँ तथा पेट्रोल क्रमशः प्रति लिटर एक सय ५७ रुपैयाँ ५० पैसा, एक सय ५९ रुपैयाँ र एक सय ६० रुपैयाँ तोकिएको छ ।
