भर्खरै एसईई परीक्षाको नतिजा आएको छ।नतिजा आफ्नो अनुकूल आएका बालबालिकाहरु उत्साहित छन् ।उनका अभिभावक ,विद्यालय परिवारले समेत खुसियाली साटासाट गरिरहेका छन ।फेसबुक लगायतका सामाजिक संजालका माध्यमबाट बधाई तथा शुभकामना आदानप्रदान गरिरहेका छन ।निश्चितरूपमा सफलता प्राप्त गरेका बालबालिकाहरु खुसी हुनु स्वभाविक नै हो।उनीहरूले खुसियाली साटासाट गर्नु पनि स्वभाविक प्रक्रिया नै हो।आफ्नो परिश्रम सार्थक भएकोमा अभिभावक तथा विद्यालय परिवारले खुसियाली मनाउनुलाई पनि अन्यथा मान्न सकिदैन।
बालबालिकाको खुसीमा रमाउदै गर्दा अर्को सम्वेद्नशील विषयतिर पनि विचार पुर्याइनु पर्छ कि एसईईको नतिजा प्रतिकूल भएका कारण दुखी बालबालिकाहरु पनि छन् ।उनीहरूको कोमल बाल मनोविज्ञान पर्न सक्ने नकारात्मक असर र त्यसले निम्त्याउन सक्ने समस्यातर्फ पनि सरोकारवालाको ध्यान जानु पर्छ ।एसईईमा ग्रेडिङमा परेका विद्यार्थीहरुलाई सिर्जनात्मक बनाउदै भावी दिनहरूमा कुन विषयमा अध्ययन गर्ने विषयमा सही जानकारी दिनुका साथसाथै फुर्सदको समयलाई कसरी सिर्जनात्मक बनाउने भन्नेतिर ध्यान पुर्याउनु आवश्यक छ,साथै ननग्रेडिङमा परेका विद्यार्थीहरुलाई स्नेह र प्रेम पूर्वको प्रोत्साहित गर्नु पनि त्यत्तिकै आवश्यक छ।
