बालबालिकाको शिक्षामा गुणस्तरीय र प्रविधिमैत्री सिकाइ वातावरण प्रवद्र्धन गर्ने उद्देश्य सहित बाँके युनेस्को क्लबले बर्दियाका सात विद्यालयमा बाल विकास कक्षा व्यवस्थापन सामग्री हस्तान्तरण गरेको छ ।
प्लान इन्टरनेशनल नेपाल एवम् बाँके युनेस्को क्लबको समन्वयमा गुलरिया नगरपालिका र बढैयाताल गाउँपालिकाभित्रका विद्यालयहरूमा शैक्षिक समाग्रि वितरण गरेको हो । विद्यालयहरूलाई स्मार्ट टेलिभिजन, खेलकुद सामग्री, शैक्षिक चार्ट, फर्निचर, कार्पेट, कुसन, ढकिया लगायत सामग्री हस्तान्तरण गरिएको बाँके युनेस्को क्लबका उपनिर्देशक तथा सशक्त बालिका परियोजना प्रमुख गोविन्द प्रसाद लामिछानेले बताए । लामिछानेका अनुसार “यस पहलले समावेशी र प्रविधिमा आधारित सिकाइको पहुँच विस्तार गर्ने लक्ष्य राखेको छ ।”
सामग्री प्राप्त गर्ने विद्यालयहरूमा शम्भु शरण मावि खैरापुर, त्रिशक्ति मावि कमलपुर, जानकी मावि सिर्काेहिया, गौरीशंकर मावि डल्ला, गणेशपुरस नेपाल राष्ट्रिय मावि भैसाही, नेपाल राष्ट्रिय मावि पडरिया र मुक्त कमैया आधारभूत विद्यालय, जनतानगर रहेका क्लबका प्रमुख संरक्षक प्रावेज अली सिद्दिकीले बताए । सिद्दिकीका अनुसार प्रत्येक विद्यालयलाई झन्डै १ लाख ७७ हजार रुपैयाँ बराबरको सामग्री वितरण गरिएको छ ।
त्रिशक्ति माविका प्रधानाध्यापक दीपेश गुप्ताले समाग्रीप्रति आभार प्रकट गर्दै यसले कक्षाकोठा व्यवस्थापन सुधार र विद्यार्थीको सिकाइ उपलब्धिमा टेवा पु¥याउने बताए ।
गौरी शंकर माध्यमिक विद्यालयका प्रधानाध्यापक हरी प्रसाद चौधरीले शैक्षिक सामाग्रीले विद्यार्थिहरुलाई विद्यालयमा आउने बतावरण श्रृजना गरी सिकाइमा महत्वपूर्ण योजदान हुने बताए । ‘रमाइलो बातावरण र उत्कृट शैक्षिक सामाग्रीले पक्कै पनी वालवालिकालाई रमाइ रमाई सिख्ने बातावाण बन्दै जाने छ’ प्रधानाध्यापक चौधरीले बताए ।
