बढैयाताल गाउँपालिका–८ स्थित कालिका स्वास्थ्य चौकीमा शनिबार किशोर–किशोरीहरूका लागि यौन तथा प्रजनन् स्वास्थ्य सेवा शिविर सञ्चालन गरिएको छ ।
‘सशक्त बालिका परियोजना’ अन्तर्गत प्लान इन्टरनेशनल नेपालको आर्थिक सहयोगमा, बाँके युनेस्को क्लबको प्राविधिक सहकार्य र नेपालगन्ज मेडिकल कलेज, बाँकेको प्राविधिक समन्वयमा, बढैयाताल गाउँपालिका स्वास्थ्य शाखाको आयोजनामा एकदिने यौन तथा प्रजनन स्वास्थ्य सेवा शिविर सञ्चालन गरिएको हो ।
शिविरमा कुल १ सय ६८ जना सहभागी भएर स्वास्थ्य सेवा लिएका छन । स्वास्थ्य सेवा लिएका मध्ये केहीलाई थप उपचार आवश्यक परेको हुँदा नेपालगन्ज मेडिकल कलेजमा रिफर गरिएको आयोजनक बढैयाताल गाँउपालिका स्वास्थ्य शाखा प्रमुख विष्णु पौडेले जानकारी दिए ।
शिविर सञ्चालन अघि औपचारिक कार्यक्रममा बढैयाताल गाँउपालिकाको उपाध्यक्ष लक्ष्मी कुमारी अधिकारीले महिला दिवशका दिन र्याली निकाल्नु भन्दा किशोरी एवम् महिलाहरुको लागि यौन तथा प्रजनन् स्वास्थ्य शिविर सञ्चालन गर्नुपर्ने बताईन ।
शिविरमा यौन तथा प्रजनन् स्वास्थ्यसम्बन्धी परामर्श सेवा, ओपिडी सेवा, महिला स्वास्थ्य परीक्षण तथा ल्याब सेवा प्रदान गरिएको बाँके युनेस्को क्लबका उप–निर्देशक गोबिन्द प्रसाद लामिछानेले जानकारी दिए । लामिछानेले भने शिविरले किशोरीहरूमा यौन र प्रजनन स्वास्थ्य प्रति सचेतना अभिवृद्धि गर्न महत्वपूर्ण भूमिका खेल्ने छ उनले बताए।
स्थानीय युवती तथा किशोरीहरूका लागि लक्षित सेवा शिविरले समुदायमा स्वास्थ्य पहुँच सुनिश्चित गर्न मद्दत पुगेको बढैयाताल गाउँपालिका वडा न ८ का अध्यक्ष तेजनाथ पौडेलले बताए ।
