सामुदायिक वन उपभोक्ता महासंघ(फेकोफन) जिल्ला शाखा बर्दियाको १५ औं जिल्ला परिषद जेठ १६ गते बर्दियाको गुलरियामा सम्पन्न भएको छ ।
जिल्लामा छरिएर रहेका सामुदायिक वन उपभोक्ता समुह हरुलाई एकिकृत गरि सामुदायिक वन उपभोक्ताहरुको अधिकारको लागि पैरवी गरि संगठित भई एक सशक्त भई सामुदायिक वन उपभोक्ताहरुको हकहितमा कार्य गरिरहेको संस्था सामुदायिक वन उपभोक्ता महासंघ बर्दिया रहेको सामुदायिक वन उपभोक्ता महासंघ बर्दियाका अध्यक्ष गोपाल प्रसाद चौधरीले बताए ।
बर्दिया जिल्लामा २ सय ९१ वटा सामुदायिक वन रहेकोमा सामुदायिक वन उपभोक्ता महासंघ बर्दियामा हाल सम्म २ सय ७१ वटा मात्र आवद्घ समुह रहेका छन भने यी मध्य ६० वटा महिला समुह रहेका छन । बर्दिया जिल्लाको ८ पालिका मध्य ७ पालिकामा स्थानीय सामुदायिक वन उपभोक्ता महासंघ गठन गरिसकेको समेत जिल्ला अध्यक्ष चौधरीले जानकारी दिए ।
हाल बर्दियाको गुलरियामा रहेको भवन तत्कालिन अध्यक्ष नवराज ढुङ्गानाको नेतृत्वमा जग्गा खरिद भएको र त्यसपछि तत्कालिन अध्यक्ष महम्मद कर खाँ को नेतृत्वमा भवन निर्माण गरिएको थियो ।
जिल्ला भित्रमा सबै सामुदायिक वनहरुबाट करिव ३ लाख ९० हजार भन्दा बढि प्रतक्ष्य रुपमा स्थानीय लाभाङ्गीग रहेको समेत चौधरीले भने । हालका समस्या हरुमा वन्यजन्तुको आक्रमण दिनानुदिन बढ्दो क्रममा रहने हुदा समस्या रहको समेत चौधरीले जानकारी दिए । वन्यजन्तु आक्रमण दिनानुदिन बढ्दै जानु विकराल समस्या रहेको उनले बताए । भोलिका दिनमा एक वन उद्यम संचालन गरि स्वरोजगार गर्ने र सामुदायिक वन तथा ताल तलैयाका माध्यमबाट पर्यापर्यटन विकास गर्ने योजना रहेको समेत चौधरीले बताए ।
कार्यक्रममा सामुदायिक वन उपभोक्ता महासंघ बर्दियामा कोषाध्यक्ष रामेश्वर रिमालले गत आर्थिक बर्षको आय व्यय विवरण प्रस्तुत गरेका थिए ।
कार्यक्रममा फेकोफन नेपालका केन्द्रिय उपाध्यक्ष महम्मद कर खा, गुलरिया नगरपालिकाका उपप्रमुख सावित्री गौतम लगायत जिल्ला भरि रहेका सामुदायिक वनमा आवद्घ प्रतिनिधिहरुको उपस्थिती रहेको थियो ।
