लुम्बिनी प्रदेश सरकार र ठाकुरबाबा नगरपालिकाबीच नवप्रवर्तन कार्यक्रम सञ्चालनका लागि औपचारिक सम्झौता भएको छ ।
‘दिगो विकास तथा हरित अर्थतन्त्रको जिम्मेवारी ः कृषिको रूपान्तरणमा हामी सबैको साझेदारी’ कार्यक्रमका साथ ठाकुरबाबा नगरपालिकामा नवप्रवर्तन कार्यक्रम सञ्चालन गर्ने सम्झौता भएको हो ।
मंगलबार राप्ती उपत्यका (देउखुरी) स्थित मुख्यमन्त्री तथा मन्त्रिपरिषद्को कार्यालयमा आयोजित सम्झौता कार्यक्रममा बोल्दै मुख्यमन्त्री चेतनारायण आचार्यले संघीयताको सुदृढीकरण र प्रदेशलाई आत्मनिर्भर बनाउने उद्देश्यले नवप्रवर्तन योजना ल्याइएको जानकारी दिए । उनले नागरिकको जीवनस्तर उकास्न कृषिमा रूपान्तरण, उद्यमशीलता र पर्यटन प्रवद्र्धन, सूचना प्रविधि को उपयोग, विद्यालय शिक्षाको गुणस्तर सुधार तथा सेवा प्रवाहमा सुधार ल्याउने उद्देश्यले कार्यक्रम ल्याइएको बताए ।
मुख्यमन्त्री आचार्यले ई–सिफारिस सेवा जस्ता कार्यक्रमलाई प्राथमिकता दिइएको उल्लेख गर्दै प्रदेश र स्थानीय तहबीचको सह–कार्यबाट नवप्रवर्तनलाई नयाँ उचाइमा पु¥याउन सकिने विश्वास व्यक्त गरे ।
