नेपालका लागि भारतीय राजदूत नवीन श्रीवास्तव भारतको जम्मू–कश्मीरको महलगाममा भएको आतंकवादी हमलामा निधन भएका बुटवलका सुदीप न्यौपानेको घरमा पुगेका छन् ।उनी सुदीप न्यौपानेको घरमा पुगेर मृतकप्रति श्रद्धाञ्जली अर्पण गरेका छन् भने मर्माहत परिवारलाई समवेदना व्यक्त गरेका छन् ।
गत अप्रिल २२ तारिखमा पाकिस्तानी आतंकवादीले गरेको धार्मिक आक्रमणमा परी सुदीपको निधन भएको थियो ।
सो घटनामा उनकी आमा घाइते भएकी थिइन् । सो घटनामा सुदीपसहित २७ हिन्दूधर्मीलाई नाम र धर्म सोधेर अन्धाधुन्ध गोली हानेर आतंकवादीले मारेका थिए ।
१० जना भन्दा बढी घाइते भएका थिए । त्यसयता भारतले उक्त आक्रमणको बदला लिने गरी ‘अपरेशन सिन्दूर’ चलाएको छ । सो आक्रमणको १५ दिनपछि भारतले पाकिस्तानको सात सहरका नौ ठाउँमा रहेका आतंकवादीका बस्ती उडाइदिएको थियो । जसमा सय जनाको हाराहारीमा आतंकवादी मारिएका थिए ।
यसलाई भने पाकिस्तानले आफ्नो देशमाथि आक्रमण भएको ठानेर जवाफी कारबाही थालेको थियो ।
तर भारतले त्यसलाई नकाम बनाइदिएपछि शनिबार साँझदेखि युद्धविराम भइरहेको छ । यद्यपि युद्धविराम भएको तीन घण्टापछि पाकिस्तानले आक्रमण गरेको भए पनि भारतले उक्त कदमलाईसमेत निस्तेज पारेको जनाएको छ ।
साभार हाम्राकुरा
