मधुवन, वैशाख २८ गते / बर्दिया जिल्लाको मधुवन नगरपालिका वडा नं ६ लाई औपचारिक रूपमा ‘बालविवाह मुक्त वडा’ घोषणा गरिएको छ। बैशाख २७ गते एक कार्यक्रमका बीच वडालाई बालविवाहमुक्त घोषणा गरिएको हो । वडामा अबदेखि बालविवाह पूर्ण रूपमा निषेध गरिएको जानकारी गराइएको छ ।
कार्यक्रमका प्रमुख अतिथि मधुवन नगरपालिका नगर प्रमुख तेज बहादुर भाटले बालविवाह नारी र बालबालिकाको अधिकार माथिको उल्लङ्घन भएको बताए । यस अघि वडा नं ४ र ८ लाई वालविवाह मुक्त वडा घोषणा भै सकेको बताउँदै मेयर भाटले यसलाई अन्त्य गर्न सबै वडाहरूले उदाहरण लिनुपर्ने बताए।
कार्यक्रममा ९ वटै वडाको तर्फबाट वडा नं ५ का अध्यक्ष दिलीप गुरुङ्गले मन्तव्य दिँदै वडामा समुदायको सक्रिय सहयोग र जनचेतनाका माध्यमबाट बालविवाह रोक्न सफल भएकोमा बाड नं ६ धन्यवादको पात्र रहेको उनले बताृए । साथै बालविवाह मुक्त घोषणा गर्न सहयोग गर्ने संस्था र साथ दिने सम्पूर्ण अभिभावक लाई समेत बडा अध्यक्ष गुरुङ्गले धन्यवाद दिए ।
सहयोगी संस्था बाँके युनेस्को क्लबका उपनिर्देशक गोविन्द प्रसाद लामिछानेले कार्यक्रममा मन्तव्य राख्दै प्लान इन्टसेसल नेपाल र अन्य साझेदार संस्थाहरूको सहकार्यमा सामाजिक रूपान्तरणमा यो कदम ले सकारात्मक संदेश दिने विश्वास व्यक्त गरे। यूवा वर्गले उच्च शिक्षा हासील गरी देश र समाजलाई सही दिशा दिने समेत लामिछानेले बताए ।
मधुवन नगरपालिकाका प्रवक्ता मेक बहादुर गुरुङले नगरपालिका स्तरमै अन्य वडाहरूमा पनि यस्तै कार्यक्रम अगाडि बढाउने योजना रहेको प्रवक्ता गुरुङले जानकारी गराए ।
वालविवाह मुक्त घोषणाले बाल अधिकार संरक्षण तथा बालिकाहरूको सुरक्षित भविष्य निर्माणतर्फ एक सशक्त कदमका रूपमा लिइएको समेत बताए ।
कार्यक्रम प्लान इन्टरेसल नेपाल ,बाँके युसको क्लब र बी ग्रुप कोसहकार्यमा सम्पन्न भएको हो।
कार्यक्रममा विभिन्न राजनीतिक दलका प्रतिनिधि , विभिन्न संघ संस्था का प्रतिनिधि , शिक्षक ,अभिभावक,बालबालिका तथा सञ्चारकर्मीहरूको उपस्थिति रहेको थियो।
