गुलरिया, बर्दिया जिल्लामा रहेका वन क्षेत्र भित्र विकास निमार्ण गर्ने वाहानमा वन विनास गर्दै बनाईएका बाटो, वस्ती विस्तार विषयमा जय हरियाली अभियान्ता कमलराज पौडेलले उच्च अदालत तुलसीपुर,नेपालगञ्ज ईजलासमा दर्ता गरेको मुद्दाको उच्च अदालतले वैशाख २५ गते परमादेश जारी गरेको छ ।
सो परमादेशमा यहि बैशाख ३१ गते पेशी तारेख तोकी विपक्षीहरुको हकमा आफै वा कानुन बमोजिमको प्रतिनिधि मार्फत लिखित जवाफ पेस गर्नु भनि उच्च अदालतका न्यायाधीश सुभाष पौडेलले आदेश गरिएका छन् ।
बर्दिया जिल्लामा वन क्षेत्रलाई चिराचिरा बनाई वाटो बनाई वन विनास गरेको, वन संरक्षण गर्ने निकायले नै वन संरक्षण नगरेको जसले गर्दा वन्यजन्तु र मानव विच द्धन्द्ध निम्तीयको लगाएतको आरोप लगाउँदै जय हरियाली अभियान्ता पौडेलले मुद्दा दर्ता गरेका थिए ।
पौडेलले जानकारी दिए अनुसार जिल्ला प्रशासन कार्यालय बर्दिया, डिभिजन वन कार्यालय बर्दिया, सघन शहरी तथा भवन निर्माण आयोजन नेपालगञ्ज, सडक पुर्वाधार विकास कार्यालय गुलरिया, निशा कन्स्ट्रक्सन मधुवन, माही कन्स्ट्रक्सन गुलरिया, बारबर्दिया नगरपालिका र त्यसका प्रमुख गरी १४ जनालाई विपक्षी बनाई मुद्दा दर्ता भएको छ ।
पौडेलको तर्फबाट उपस्थित बरिष्ठ अधिवक्ता लोक बहादुर शाह, विद्धान अधिवक्ता विश्रजित तिवारी र टिकाराम जैसीले बहस गरेका थिए ।
