बर्दिया(बैदि), बैशाख ६ गते / बारबर्दिया नगरपालिकाले गाईहरुका लागि गौशाला निर्माण गर्दै व्यवस्थापन गर्दै आइरहेको छ । पालिका भित्रका छाडा गाई गोरुलाई बारबर्दिया नगरपालिकाको सहजिकरणमा बारबर्दिया नगरपालिका बाड नं ९ मा निर्माण गरिएको गौशाला भित्र गाई गोरुका लागि खान र पिउनका लागि व्यवस्थित नाला निर्माण गरेर घाँस खेती गर्ने जस्ता कार्यहरु गरिरहेको बारबर्दिया नगरपालिका बाड नं ९ का बडा अध्यक्ष देवेन्द्र बिष्टले बताए ।
साथै गौशाला सम्म जानका लागि कच्ची बाटो, गोल घर, गौशाला व्यवस्थापनका लागि माटो पटान, गाइ गोरु बस्नका लागि ट्रसहरु निर्माण गरिएको समेत बडा अध्यक्ष बिष्टले जानकारी दिए ।
गौशालाका गाइ गोरुको संरक्षणका साथै गाइ गोरु बाट खेर जाने गौ मुत र गोबरबाट व्यवस्थित गर्दै गोबरका गुठिया बनाउने, जैविक मल उत्पादन तथा पञ्ज ग्रव्य सामाग्रीहरु अर्ग, साबुन र धुप समेत उत्पादन गरि बिक्री वितरण गरिरहेको गौशाला संरक्षण गर्दै आइरहनु भएका योगि पिताम्वर गुरुले जानकारी दिए ।
२ सय भन्दा बढि गाइहरुको संरक्षणका साथै हामीले आयआर्जन तिर पनि हातेमालोको प्रयास गरिरहेको समेत योगि पिताम्वरले जानकारी दिए । हामीले गौशाला भित्रै जैविक गड्यौला खेति गरि मल उत्पादनको थालनी गरिसकेको समेत उनले बताए ।
करिब ३ विघा क्षेत्रफलमा फैलिएको यस गौशालामा ४ जना गौसेवक समेत रहेका छन । हाल गाइ गोरु चरिचरनका लागि नजिकैको जंगल तिर पठाउने गरिएको समेत योति पिताम्वरले बताए ।
