बर्दिया डिभिजन वन कार्यालय बर्दियाले केहि दिन देखि आतंक मच्चाइरहेको चितुवा नियन्त्रणमा नआउन्जेल स्थानीयलाई सजकता उपनाउन अनुरोध गरेको छ ।
२०८१ चैत्र २० गते गुलरिया नगरपालिका–४ इन्द्रेणी टोलमा आतंक मच्चाइरहेको चितुवा नियन्त्रणमा आउन नसक्दा जोखिक देखिएकोले ‘समस्याग्रस्त’ चितुवा नियन्त्रणमा नआउन्जेल स्थानीयलाई सजकता अपनाउनडिभिजन वन कार्यालय बर्दियाका सूचना अधिकारी वरिष्ठ वन अधिकृत राम कुमार चौधरीले अनुरोध गरे ।
चैत २० गते गुलरिया नगरपालिका–५ बालापुरका ७ वर्षीय सिर्जन चौधरीलाई हजुरआमा सँग गुलरिया नगरपालिका बाड नं ४ इन्द्रेणी टोल स्थित खेतमा गएका बेला दिउँसै चितुवाले आक्रमण गरी घाइते बनाएको थियो । भने सो घटना सेलाउन नपाउदै चैत २७ गते नै इन्द्रेणी टोल मै खेतमा गहुँ काटिरहेको अवस्थामा चितुवाले पछाडिबाट आक्रमण गरि ६५ वर्षीय विकुलाल थारु घाइते भए ।
चितुवाको आक्रमणको घटना भए देखि नै डिभिजन वन कार्यालय बर्दियाले चितुवा नियन्त्रणका लागि विभिन्न ४ स्थानमा ४ वटा खोर (केज) राखिएको समेत उनले भने । समस्या ग्रस्त चितुवाको अवस्था अध्ययनका लागि ५ वटा स्वचालित क्यामरा पनि जडान गरिएको छ वन अधिकृत चौधरीले बताए । दैनिक देखिने समस्याग्रस्त चितुवा भने अझैसम्म डिभिजन वन कार्यालय बर्दियाले राखेको केजमा पर्न सकेको छैन ।
केहि दिन अघि चितुवा नियन्त्रणका लागि राखिएको केजको आस पास चितुवाका पाइलाहरु देखिने गरे पनि चितुवा केजमा पर्न सकेको छैन डिभिजन वन कार्यालयले जानकारी दिएको छ । चितुवा हिड्ने सम्भावित स्थान पहिचान गरि सेन्सर युक्त क्यामरा जडान समेत गरिएको छ ।
यस क्षेत्रमा दैनिक जसो चितुवा देखा पर्न थालेपछि यस पालिका र यस गाँउका स्थानीय खेतीबारीमा काम गर्न जानसमेत डराउने गरेको गुलरिया नगरपालिका बाड नं ४ का बडा अध्यक्ष सुरेश कुमार गौतमले बताए । हाम्रै बडामा पछिल्लो दुई हप्ता भित्रमा २ वटा चितुवाको आक्रमण भइसकेकोले समस्याग्रस्त चितुवा छिटो भन्दा छिटो नियन्त्रणमा लिन एन.टि.एन.सी., डिभिजन वन कार्यालय बर्दिया, जिल्ला प्रशासन कार्यालय बर्दियाका प्रमुख जिल्ला अधिकारी र बर्दिया प्रहरीलाई दैनिक जसो सम्पर्क गरिरहेको समेत बडा अध्यक्ष गौतमले भने
हाल सम्म स्थानीय दुई जनालाई घाइते बनाइसकेको चितुवाले गाँउका घरपालुवा चौपाया देखि कुकुरलगायतकालाई निरन्तर आक्रमण गरिरहेको समेत बडा अध्यक्ष गौतमले जानकारी दिए ।