बर्दिया, फागुन १६ गते / बर्दियामा फागुन १५ गते देखि १५ दिने गाँजा फडानी अभियानको सुरुवात गरिएको छ । फागुन १५ गते दखि १५ दिन सम्म गाँजा फडानी अभियान कै अन्तर्गत गुलरिया नगरपालिका वडा नं. २ को जयनपुर स्थित खेतबारीमा प्राकृतिक रुपमा उम्रिएको गाँजा बर्दिया प्रमुख जिल्ला अधिकारी रुद्रा देवी शर्मा को नेत्तृत्वमा जिल्ला प्रहरी कार्यालय बर्दियाका प्रमुख प्रहरी उपरीक्षक केदार खनाल र सशस्त्र प्रहरी निरीक्षक काजिराम श्रेष्ठ सहितको टोलीले प्राकृतिक रुपमा उम्रिएको गाँजा फडानी गरेर सुरुवात गर्नु भएको थियोे ।
प्राकृतिक रुपमा उम्रिएका गाँजाहरु रहेको स्थान पहिचान गरि फडानी गरिने १५ दिने अभियानको उद्देश्य रहेको छ ।
गाँजा फडानी अभियानलाई साथ दिन राजनैतिक दलका प्रतिनिधीहरु र स्थानिय बासिन्दा सहितको उपस्थितीमा १० कठ्ठा बराबर जग्गामा प्राकृतिक रुपमा उम्रिएको गाँजा फडानी गरिएको थियोे ।
गाँजा फडानी अभियान बर्दिया जिल्लाका विभिन्न पालिकाहरुमा समेत गरिने जिल्ला प्रशासन कार्यालय बर्दियाले जानकारी दिएको छ । बर्दिया जिल्लामा लागुओैषध बेचबिखन र सेवनकर्तालाई निरुत्साहित गर्ने योजना स्वरुप हालको यो १५ दिने गाँजा फडानी अभियान जोडिएको समेत छ ।
