बर्दिया(जयनगर), माघ २९ गते बारबर्दिया नगरपालिका नगर खेलकुद विकास समितिको संयोजकमा सुनिल शाहि नियुक्त भएका छन । बारबर्दिया नगरपालिकाको माघ २७ गते बसेको ६२ औं कार्यसमितिको बैठकको निर्णयनुसार सुनिल शाहिलाई बारबर्दिया नगरपालिका खेलकुद विकास समितिको संयोजकमा नियुक्त गरिएको बारबर्दिया नगरपालिका नगरप्रमुख छविलाल थारुले जानकारी दिए ।
यस अघिका खेलकुद संयोजकले राजीनामा दिए पछि सो पद रिक्त रहेको थियो । नववियुक्त सुनिल शाहिले बारबर्र्दिया नगरको खेलकुदको विकासका लागि नया नया योजना बनाएर अगाडी बढ्ने शाहिले बताए ।
नगरमा खेलकुदको माध्यमबाट समाजमा रहेका युवा बालिबालिकाहरुलाई बढि भन्दा विभिन्न खेलकुदमा आकर्सित गरि समाजमा बढिरहेको लागुऔषध प्रयोगकर्ताहरुलाई निरुत्साहित हुने गरि कार्य गर्ने गरि बारबर्दिया नगरलाई खेलकुदको हव को रुपमा विकास गर्ने योजना ल्याउने समेत नवनियुक्त शाहिले जानकारी दिए । हाल नवनियुक्त संयोजक शाहि नेपाल विद्यार्थी संघको केन्द्रिय सदस्य समेत रहेका छन ।
