माघ १८ गते / गुलरिया नगरपालिका र मधुवन नगरपालिकाका स्थानीयहरूलाई दुई दिने सुधारीएको चुलो निर्माण मर्मतसंभार प्राविधिक तालिम सम्पन्न भएको छ ।
आदिवासी थारु महिला र समुदायलाई नवीकरणीय ऊर्जा र दिगो कृषि अभ्यासमा पहुँच गर्न सक्षम बनाउने परियोजना अन्तर्गत २ दिने प्राविधिक तालिम मधुवन र गुलरियाका स्थानीयलाई तालिम दिईएको हो ।
मधुवन नगरपालिका वडा नम्बर २ सोनाहा र गुलरिया नगरपालिका वडा नं -४ सुहेलवामा सम्पन्न तालिममा ३३ जनाको सहभागीता रहेको थारु महिला उत्थान केन्द्रकी कार्यकारी निर्देशक प्रिज्या सिंह थारुले जानकारी दिनुभयो ।
गुलरिया नगरपालिका वडा नं ४ र ५ मा आवद्ध रहेका महिला सामुदायिक सुरक्षा जालो समूह सदस्य तथा मधुवन नगरपालिका वडा नं का १, २ र ३ महिला सामुदायिक सुरक्षा समूह मा आवद्ध महिला हरुलाई सो तालिम दिइएको तालिम दिने संस्थाले बताएको छ ।
सन् २०२५ जुलाई सम्म करिब ५ सय घरधुरीलाई सेवा पुर्याउने उद्देश्यले सञ्चालनमा रहेको परियोजनाले सुधारिएको चुलोमा दाउरा कम लाग्ने, खाना छिटो पाक्ने साथै धुवा पनि कम हुने भएको हुनाले स्वास्थ्यमा समेत जोखिम न्यून हुने संस्थाले जानकारी दिएको छ ।
प्रशिक्षक नरेश महर्जनकाअनुसार सुधारिएको चुलो गाउँघरमा निकै उपयोगी तथा लाभकारी हुने बताए ।
महर्जनलेले सुधारिएको चुलोको प्रयोगबाट हानिकारक धुवा प्रदुषण बाट निम्तिने रोग आँखा सम्बन्धी रोग जोखिमलाई न्युनिकरण कम गर्ने, ६० प्रतिशत दाउरा बचत गर्नुका साथै आगलागी को जोखिम कम गर्ने जानकारी दिए ।
तालिममा सहभागी गुलरिया नगरपालिका वडा न ४ बगही की सावित्री थारुले सुधारिएका चुलोको प्रयोगले आफ्नो स्वास्थ्यमा क्षति न्यून रहनुका साथै घर सफा रहने बताइन । तालीममा अर्का सहभागी गुलरिया नगरपालिका वडा नम्बर ५ कि सीता थारुले आफूले दुई दिनको तालिम लिएको बताउँदै अबका दिनमा प्राप्त सिकाई अन्य घरहरूमा पनि चुलो बनाउन सहयोग गर्ने भनिन् । सुधारिएको चुलोमा दाउरा कम लाग्ने भएको हुदा आफु निकै खुसी भएको समेत सीताले बताइन ।
सुधारिएको चुलोले दाउराको खपत घटाउने ,खाना छिटो पकाउन सजिलो हुनुका साथै घरभित्रको धुवाको कम गर्न महत गर्ने आयोजक संस्थाका प्रतिनिधिले जानकारी दिए । यसका साथै आगो र खेर जान नदिने, विशेषगरी घरभित्र बढी समय बिताउने महिला बालबच्चा तथा पाका उमेरका व्यक्तिहरूको स्वास्थ्य समस्यामा पर्ने प्रतिकुलल असरलाई न्यून गरी स्वास्थ्यमा हुने समस्यालाई कम गर्न हुने हुदाँ समेत यश किसिमको चुलोको समेत उपयोगी हुने देखिएको छ।
