बर्दिया, माघ १० गते / माइती नेपालले मानब बेचबिखन, घरेलु हिसा, महिला हिसा, लैङिगक हिसा र बाल बिवाह रोकथाम तथा न्युनीकरण सम्बन्धी पछिल्लो ९ बर्ष देखी बर्दिया जिल्लामा रही काम गर्दै आएको छ।
विहिबार गुलरियमा मानव बेचविखन तथा ओसार पसार नियन्त्रणका लागी संचारकर्मि संग गरेको अन्तक्रिया कार्यक्रममा माइती नेपालले सन् २०१६ देखी २०२४ सम्मको तथाङ्क पेश गरेको थियोे । माइती नेपालले ९ बर्षको अवधीमा २ हजार भन्दा बढीलाई बर्दियाको विभिन्न सिमानाका बाट उद्धार गरेको जनाएको छ।
गुलारिया नगरपालिका , मधुवन नगरपालिका तथा बढैयाताल गाउँपालिका सिमा क्षेत्रमा परामर्श केन्द्र स्थापना गरी कार्य गर्दै आएको माइती नेपाल बर्दियाकी संयोजक गायत्री रीमालले बताउनु भएको छ। रिमालले जोखिमपुर्ण यात्रामा रहि सिमापारी भारत जान प्रयास गरेकाहरुलाई सिमाना बाट २ हजार ५ जनालाई उद्धार गरि आवधिक गृहमा प्रवेश गराइएको र आवश्यक परामर्श प्रदान गरिएको उनले भनिन् ।
चालु आर्थिक वर्षमा बर्दिया जिल्लाका विभिन्न नाकाबाट महिला र बालबालिका साहित ३ सय ३५ जनालाई सिमानाका बाट उद्धार गरि आवधिक गृहमा प्रवेश गराइएको संयोजक रिमालले बताउनु भयो ।
यसै गरी २ हजार ५८ जनालाई मानव बेचविखन र सुरक्षित बसाई सराई बारे जानकारी दिई पारिवारिक पुर्नमिलन गराइएको छ भने ३० जनालाई श्रम र यौन शोषनमा परि उद्धार गरिएको र ४ सय ३३ जनालाई मानव बेचविखन र सुरक्षित बसाई सराई बारे बोर्डरबाट परामर्श दिई घर फिर्ता गरिएको तथ्याङकमा उल्लेख छ ।
कार्यक्रममा प्रस्तुत तथ्याङ्कमा खोजतलासको लागी ५ सय ५४ जना को निवेदन परेका हाल सम्म १ सय ३१ जनालाई मात्र फेला परेका छन रिमालले जानकारी दिनुभयो । यसैगरि माइती नेपाल बर्दिया कार्यालयमा हाल सम्म ५ सय १४ वटा घरेलु हिंसाका घटनाहरु आएकोमा ४ सय ५२ वटा घटना प्रहरी र माइती नेपालको पहलमा समाधान गरिएको जनाइएको छ ।
यसैगरि माइती नेपाल बर्दियाको सहजिकरणमा ९७ जना किशोरीलाई सिप मुलक तालिम प्रदान गरिएको रिमालले भनिन् ।
२२ वटा बेचविखनको घटना मुद्धा दर्ता भएकोमा कानुनी सहयोग आवश्यक परामर्श गरिएको र २ सय ३३ वटा जबरजस्ती करणी मुद्धा दर्ता भएकोमा आवश्यक कानुनी सहयोग र परामर्श गरिएको समेत रिमालले बताइन् ।
कार्यक्रममा आफ्नो धारणा राख्दै पत्रकार महासंघ बर्दियाका अध्यक्ष निर्मल घिमिरेले सिमा नाका आफैमा संवेदनशील हुने र त्याहाँ बसेर काम गर्न अझै गाह्रो हुने भएको हुदा संस्थाले पेश गरेको तथ्याङ्कलाई लाई हेर्दै गरेको कामको प्रशांसा गर्नुभयो। सञ्चारकर्मीहरुले समाजिक रुपान्तरण, ऱ्याय र सत्यताका लागी सधै कलम चलाउँदै जाने समेत घिमिरेले बताउनु भयो । साथै आगामी दिनहरुमा सबैसंग सहकार्य गर्दै अघी बढने समेत उनले बताए ।
