बर्दिया(जयनगर), माघ ९ गते / महिलाहरूलाई आत्मनिर्भर संग जोड्दै लैजाने बारबर्दिया नगरपालिका न्यायिक समितिको कार्यक्रम “पिडित संग उपप्रमुख कार्यक्रम” अन्तर्गत महिलाहरूलाई १५ दिने व्यावसायीक झोला बनाउने तालिम सम्पन्न भएको छ ।
आर्थिक विपन्नता भएका हरेक खाले पिडामा रहेका महिला दिदीबहिनीहरु लाई व्यावसायीक बनाई आत्मनिर्भर बनाउदै लैजाने कार्यक्रम अन्तर्गत तालिम संचालन गरिएको बारबर्दिया नगरपालिकाका उपप्रमुख रत्ना पाण्डेले बताइन् । समाजमा सम्मानित र गर्भिलो जीवन यापनका निम्ति बारबर्दिया नगरपालिका न्यायिक समितिको आयोजनामा हुनैनाथ टेक्निकल एजुकेसन एण्ड भोकेसनल ट्रेनिङ सेन्टरको प्राविधिक सहयोगमा झोला बनाउने तालिम सञ्चालन गरिएको उपप्रमुख पाण्डेले जानकारी दिनुभयो ।
१५दिने झोला बनाउने सीप विकास तालिमको प्रमाण-पत्र वितरण तथा समापन समारोहमा तालिम लिएका सहभागी महिलाहरुलाई सम्बोधन गर्दै बारबर्दिया नगरपालिका नगरप्रमुख छविलाल थारुले तालिम लियका सबैलाई उच्च मनोबलका साथ लिएको सिपको सदुपयोग व्यवसायमा सञ्चालन गर्न र थोरै भय पनि आर्थिक आयआर्जन गर्ने सुरुवातको थालनी गर्न नगरप्रमुख छविलाल थारुले अनुरोध गरे ।
कार्यक्रममा बारबर्दिया नगरपालिका सामाजिक विकास समिति संयोजक श्याम कुमारी चौधरी र कार्यपालिका सदस्य धर्मि तारामी मगर लगायतको सहभागीता रहेको थियोे ।
