बर्दिया, माघ ८ गते / दलितका सवालमा विगत लामो समय देखी आवाज उठाउँदै आएको दलित महिला संघले बर्दियाका सञ्चारकर्मी हरुसंग अन्तक्रिया कार्यक्रम गरेको छ। मुख्यतः सञ्चार माध्यममा दलित महिलाको पहुच अभिवृद्धिका लागि सञ्चारकर्मी को भूमिका को विषयमा अन्तरक्रिया गरिएको हो।
अन्तरक्रिया कार्यक्रममा विगत १८ बर्ष देखी बर्दिया जिल्लामा काम गर्दै आएको दलित महिला संघले कुनै पनि व्यक्ति लिङ्ग, जाती विभेदको आधारमा कोही पनि अपमानित हुन नपरोस भन्ने कुरामा वकालत गर्दै आएको जनाइएको छ। घरेलु हिंसामा दलित महिला हरु निकै प्रताडित परेको बताउँदै दलित महिला संघ बर्दिया संयोजक हिमा सुनारले पछिल्लो तथ्याङ्क लाई जनाउँदै नेपाल भरी ८२ प्रतिशत दलित महिला हरु घरेलु हिंसामा परेको बताउनु भयो ।
हिंसामा परेका महिला हरुको आय आर्जन तथा जिवन यापनमा धेरै कठिनाईहरु आउने गरेको सुनारले बताउनु भयो। हिसामा परेका महिला हरुलाई आर्थिक रुपमा शसक्त बनाउनका निमित्त मार्फत संस्थाले विभिन्न कार्यक्रम मार्फत सहयोग गर्दै आएको समेत संयोजक सुनारको भनाई रहेको थियो। दलित समुदायको स्तर उन्नोतीका निमित्त स्थानिय पालिका हरुले पनी दलित शसक्तिकरण विधेयक पारित गरिसकेको छ। बर्दिया जिल्ला भरीको अभियान भएता पनि मुख्यत : संस्थाले गुलरिया नगरपालिका , बासगढी नगरपालिका , मधुवन नगरपालिका र बढैयाताल गाउँ पालिका मा काम गर्दै आएको छ। मधुवन नगरपालिका र बढैयाताल गाउँपालिकाले दलित शसक्तिकरण विधेयक पारित गरिसकेको छ भने दुई पालिकामा अझै कार्य भै रहेको छ।
कार्यक्रममा जिल्ला भरीका आमन्त्रीत संञ्चारकर्मी हरुको उपस्तिथीमा जातीय विबेध,घरेलु हिंसा , यौनिक हिंसा , लगायत विषयमा छलफल भएको थियो।
कार्यक्रममा आफ्नो भनाई राख्दै नेपाल पत्रकार महासंघ बर्दियाका अध्यक्ष निर्मल घिमिरेले बर्दियाका सञ्चारकर्मीले सबै पक्षलाई समेटेर कलम चलाउनु पर्ने बताउनु भयो । “समाजका हरेक पक्षमा सञ्चारकर्मीले कलम चलाउँदै आएका छन ” घिमिरेले बताउनु भयो।
