बर्दिया, पुस १९ गते / जिल्लामा लागुऔषध कारोबार एवं सेवनकर्ताको सङ्ख्या बढेपछि जिल्ला प्रशासन कार्यालय बर्दियाले करिब तिन महिना देखि सुरु गरेको अभियानका क्रममा सिमामा सचेतनासँगै ‘अपरेशनमा झनै कडा चेकजाचसुरु गरे संगै लागुऔषध सेवनकर्ता भारतिय सिमापारी जाने संख्यामा कमि देखिएको छ ।
पुस १८ गते बर्दिया प्रमुख जिल्ला अधिकारीको नेतृत्वमा नेपाल प्रहरी, सशस्त्र प्रहरी प्रमुखको टोलीले लागुऔषध कारोबारको जोखिमयुक्त नेपाल–भारत सीमा नाकामा कडाइ रुपमा जाँचसहित सम्भावित स्थानहरुको अनुगमन गरेको छ ।
भाद्र महिनाको अन्तिम साताबाट सुरुवात गरिएको लागुऔषध कारोवार एवं सेवनकर्ता विरुद्घको अभियानको सुरुवात पछि, हालको अवस्थामा आएर भारतिय सिमापारि गएर लागुऔषध सेवनकर्ताहरुमो संख्यामा कमि देखिएको छ ।
अनुगमनका क्रममा पुस १८ गते बर्दियाको भारतिय सिमा संग जोडिएको बढैयाताल गाँउपालिका बडा नं २ को फुटाहा नाकामा पहिलाको भन्दा मानिसहरुको चहलपहलमा कमि देखिएको थियो ।
जिल्ला प्रशासन कार्यालय बर्दियाको सुरक्षा समितिले तीन महिने कार्ययोजना निर्माण गरी अभियानका रुपमा सचेतनासँगै चेकजाँचमा कडाइ गरिएको र हाल तिन महिना पछि पहिलाको भन्दा सिमापारि जाने स्थानीयहरुको संख्यामा कमि पनि भएको बर्दियाका प्रमुख जिल्ला अधिकारी रुद्रादेवी शर्माले बताउनुभयो । जिल्लामा करिब ८३ किलोमिटर खुला सिमाना भएकाले लागुऔषध कारोबार तथा दुर्व्यसन बढ्दै गएकाले नियन्त्रणका लागि अभियान सञ्चालन गरिएको र हाल लागुऔषध दुर्व्यसनीहरुको संख्यामा पनि कमि भएको उहाँले उल्लेख गर्नुभयो
बढैयाताल गाउँपालिका अन्तर्गत सीमा क्षेत्रमा पर्ने फुटाहा गाउँको सिमानामा रहेको भारतीय बलई गाउँ बजारसँगको नाका लागुऔषध ओसारपसार केन्द्रका रुपमा प्रयोग भएको पाइएपछि सुरक्षा समितिले विशेष निगरानी चेकजाच बढाए संगै संख्यामा कमि देखिएको प्रजिअ शर्माले जानकारी दिनुभयो ।
अनुगमन कै क्रममा बर्दियाको सदरमुकाम गुलरिया नगरपालिकाअन्तर्गत गणेशपुर नजिकै रहेको भारतको लौकाइ बजारसँगको नाका पनि लागुऔषध भित्र्याउने र सेवनकर्ताहरुको मुख्य नाकाका रुपमा पहिचान भएपछि नेपाल प्रहरी, सशस्त्र प्रहरी सुरक्षा प्रमुख द्वारा अभियान अन्तर्गत जनचेतना मुलक कार्यक्रम र आउजाउमा कडाइ गरे संगै यस नाकामा पनि लागुऔषध कारोवार र लागुऔषध प्रयोगकर्ताहरुको आवागमनमा कमि देखिएको छ ।
