बर्दिया, पुस ५ गते / बारबर्दिया नगरपालिकाको वडा नम्बर ७ लाई बाल विवाह मुक्त वडा घोषणा गरिएको छ । पुस ३ गते एक कार्यक्रमका बिच लुम्बिनी प्रदेशका पर्यटन तथा यातायात मन्त्रि प्रचण्ड विक्रम न्यौपानेले वडा नम्बर ७ लाई बाल विवाह मुक्त वडाको रुपमा घोषणा गर्नु भएको हो । बारबर्दिया नगरपालिकामा बालविवाह मुक्त वडा घोषणामा वडा नम्बर ७ दास्रो भएको छ । घोषणा कार्यक्रमका प्रमुख अतिथि एवं पर्यटन तथा यातायात मन्त्रि प्रचण्ड विक्रम न्यौपानेले बालविवाहको दर शुन्यमा झार्नु पर्ने बताउनु भयो । विशेष गरि स्थानिय नगारिक, अगुवा, अभिभावक तथा आफु स्वंय लागेर बालविवाह शुन्यमा गर्न सकिने विश्वास व्यक्त गर्नु भयो । नागरिक बाट भोट लिएर नितीगत तहमा पुगेका जनप्रतिनिधीलाई आफैले बनाएको कानुनको कार्यन्वयन गराउन दवाव दिनु सवै मतदाताको जिम्मेवारी रहेको जोड दिनु भयो । बारबर्दिया नगरपालिकाले सवै राजनैतिक दल, संघसंस्था स्थानिय नगारिक, अभिभावक लगायतलाई मिलाएर लगि बालविवाह शुन्य पालिका बनाउने धारणा राख्नु भयो ।
यस्तै लुम्बिनि प्रदेशसभा सदस्य राजकुमार थारुले बालविवाह अन्त्यका लागी बालबालिकाको अभिभावक तथा गाँउका अगुवाहरुको महत्वपुर्ण भुमिका रहेने बताउनु भयो । अभिभावकहरुले चाहे आफना बालबालिकालाई विवाह गर्न बाट रोक्न सक्ने उहाँको विश्वास थियो । फरक प्रसंगमा बोल्दै थारुले यातायात कार्यलय बारबर्दियामा ल्याउनु पर्ने बताउनु भयो । यातायात कार्यक्रम बारबर्दियामा ल्याउन सके नगरले जग्गा उपलब्ध गराउने सक्ने उल्लेख गर्नु भयो । यसका लागी नगरप्रमुख संग एकचरणको कुरा समेत भएको बताउनु भयो ।
बारबर्दिया नगरपालिकाले २०८३ सम्ममा ११ वटै वडा बालविवाह मुक्त गरि पालिकालाई नै बालविवाह मुक्त पालिका घोषणा गर्ने लक्ष्य राखी अघि बढी नगरप्रमुख छविलाल थारुले बताउनु भयो । थारु समुदायमा पछर््यौटी भन्ने चलनले समाजमा नाकारात्मक असर पारी रहेको प्रष्ट पार्नु भयो । यो प्रथालाई रोक्न अभिभावक स्वयं लाग्न आग्रह समेत गर्नु भएको छ । अभिभावकको जानकारीमै छोरीछोरीले भेट्ने बस्ने कम समयमा बुहारी भित्रयाउने र पछि समय पुगेपछि जन्मदर्ता बनाई विवाह दर्ता समेत बनाउने गरेको खुलाशा गर्नु भयो । यस्तो क्रियाकलापलाई रोक्न सम्पुर्ण नगरबासीलाई नगरप्रमुख थारुले आग्रह गर्नु भयो ।
नेपालमा सन् २०३० सम्ममा नेपाललाई बाल विवाह मुक्त बनाउने राष्ट्रिय रणनीति अनुसार बारबर्दिया नगरपालिकालाई विक्रम संवत २०८३ सम्ममा बाल विवाह मुक्त पालिका बनाउने कार्ययोजना अन्तरगत वडा नम्बर ७ लाई बाल विवाह मुक्त घोषणा गरिएको छ । बारबर्दिया नगरपालिकाले बाल विवाह न्युनिकरण निर्देशिका २०७८ अनुसार वडामा १५ प्रतिशत भन्दा कम बाल विवाह भए घोषणा गर्न सकिने थ्रेसहोल्ड र वडा स्तरमा बिभिन्न किसिमका बाल विवाह रोकथामका क्रियाकलाप तथा सुचकहरु पुरागरी कार्यान्वयन गरेको वडालाई बाल विवाह मुक्त घोषणा गर्न सक्ने ब्यबस्था रहेको महिला तथा बालबालिका शाखा प्रमुख उषा पुनले बताउनु भयो । सोही सुचक तथा क्रियाकलापहरु पुरा गरेकोले वडा नम्बर ७ लाई बाल विवाह मुक्त घोषणा गरिएको छ ।
बारबर्दिया नगारपालिका वडा नम्बर ७ का अध्यक्ष इन्द्र प्रसाद चौधरीको सभाध्यक्षमा भएको कार्यक्रम वडाको आयोजना, प्लान इन्टरनेशनल नेपाल भेरी वातावरणिय विशिस्टता समुह(बि ग्रुप), राधाकृष्ण थारु जनसेवा केन्द्रको लगायत सस्थाहरुको सहकार्यमा बालबिवाह मुक्त वडा घोषणा गरिएको हो ।
