बाँके, मंसिर १६ गते / नेपाली काँग्रेस क्षेत्र नं.१ बाँकेले राप्तीसोनारी-७ का अग्नीपीडितलाई राहत वितरण गरेको छ । आज मंसिर १६ गते एक कार्यक्रमका बिच आगलागी पीडितहरु रामचन्द्र कुम्हार, तुल्सीराम कुम्हार र बंशीलाल कुम्हारलाई नेपाली काङ्ग्रेस क्षेत्र नं १ का क्षेत्रीय सभापति पोषण केसीले राहत वितरण गरे । आगलागीबाट घर जलेर पूर्णरुपमा नष्ट भएका थिए । तीन घरपरिवारलाई चामल, दाल, नुन र तेल वितरण गरिएको केसीले जानकारी दिए ।
अग्नीपीडितहरुलाई खाद्यान्न लगायतको राहत सामग्री वितरण गरिएको केसीले बताए । खाद्यान्न लगायतको सामग्री उपलब्ध गराउने सहयोगी मनहरुप्रति उहाँले धन्यवाद समेत दिएका छन् । नेपाली काङ्ग्रेस क्षेत्र नं १ क्षेत्रीय सचिव खुम बहादुर बस्नेतका अनुसार अग्नीपीडितहरुलाई राहत वितरणसँगै नेपाली कांग्रेस केन्द्रिय कार्यसमिति, जिल्ला र क्षेत्रको संगठन सुदृढीकरण अभियान अन्तर्गत ‘टोल टोलमा कांग्रेस’ अभियानको एघारौं दिन आज राप्तीसोनारी वडा नं. ७ का देउपुरूवा र पिप्रहवा टोलमा कार्यक्रम समेत सम्पन्न भएको बस्नेतले जानकारी दिए ।
