ठाकुरबाबा, मंसिर १६ गते / बर्दियाको ठाकुरबाबा नगरपालिका बडा नं ४ को वडा अध्यक्ष पदका लागि आइतबार भएको चुनावमा ६३ दशमलव ७९ प्रतिशत मत खसेको छ भने सर्वदलीय बैठक बसेर मतगणना पनि अहिले राति ९ बजेदेखि सुरु गर्ने तयारी रहेको मुख्य निर्वाचन कार्यालयले जानकारी दिएको छ ।
मुख्य निर्वाचन कार्यालयका अनुसार आज मंसिर १६ गते बिहान ७ देखि साँझ ५ बजेसम्म तोकिएको थियो ।
कुल मतदाता ३ हजार ५ सय १० मतदाता रहेको यस वडामा महिला मतदाता १ हजार ८ सय ३९ रहेका छन् भने पुरुष मतदाता १ हजार ६ सय ७१ मतदाता रहेका थिए । तर आज मत भने २ हजार २ सय ३९ अर्थात् ६३ दशमलव ७९ प्रतिशत मत मात्र खसेको छ ।
मतदान गर्नका लागि २ मतदान केन्द्र र ५ मतदान स्थल रहेको थियो ।
ठाकुरबाबा नगरपालिकाको कृषि भवनको मतदान केन्द्रमा ७ सय ४२ र बर्गदा स्थित विद्यालयमा १ हजार ४ सय ९७ मतदान भएको छ । शान्तिपूर्ण र भयरहित मतदानका लागि सुरक्षाका सबै अंग परिचालित भएका थिए । हाल मतपत्र मिलाउने क्रम जारी रहेको छ । हाल मतगणना सुरु भएको जानकारी प्राप्त भएको छ ।
