गुलरिया, मंसिर १० गते / जनजागृति युवा क्लब मधुबनका निखिल खत्रीले छ बलमा छ छक्का प्रहार गरेका छन्।
बर्दिया कप क्रिकेट टि २० क्रिकेट प्रतियोगिताको आज तेस्रो दिन बिहान ९ बजे भएको बर्दिया क्रिकेट एकेडेमी बि र को जनजागृति युवा क्लब मधुबन बीच भएको खेलमा निखिल खत्रीले ६ बलमा छ छक्का प्रहार गरेका छन्।
आज बिहान ढिलो गरी खेल सुरु भएकाले १७ ओभरको खेल खेलाइएको थियो। आज खेलको १६ ओभरमा बलिङ गर्न आएका बर्दिया क्रिकेट एकेडेमी बि का निश्चल चन्द बालान को बलमा जनजाति युवा युवा क्लबका निखिल खत्रीले छ बलमा छ छक्का प्रहार गरेका थिए। खेलको १६ ओभरमा बलिङ हुन आएका बर्दिया क्रिकेट एकेडेमी बि का कप्तान निश्चल चन्द बालानले फालेको लगातार ४ वटा फुलटच बलमा लगातार लेकसाइडमा छक्का प्रहार गरेका थिए ।
साथै निश्चल्ल फालेको पाचौं बललाई पनि उनले लेकसाइडमा छक्का प्रहार गरे भने छैठौं शर्ट पिस बललाई समेत निखिलले छक्का प्रहार गरेका थिए। छक्का सँगै निखिलले आज खेलमा २३ बलमा सात छक्काको मद्दतले नटआउट ५५ रन बनाएका थिए।
जनजागृति युवा क्लब मधुबनले पहिलो ब्याटिङ गर्दै १७ ओभरमा सात विकेटको क्षतिमा १ सय २८ रन बनाएको छ ।
