काठमाडौँ, मंसिर ८ गते / भारतको महाराष्ट्रमा विधान सभा निर्वाचनको मतगणना भइरहेको छ । मतगणनामा भारतीय जनता पार्टी भाजपाको गठबन्धन महायुति भारी बहुमततर्फ अगाडि बढेको छ
प्रारम्भिक गणनाअनुसार २८८ सिटका लागि भएको मतगणनामा २१० सिटमा भाजपा अगाडि रहेको छ । विपक्षी गठबन्धनले मात्र ६३ सिटमा अग्रता लिएको छ । अन्यले १३ सिटमा अग्रता लिएका छन् ।
भाजपा नेतृत्वको महायुति गठबन्धनमा भाजपा, शिवसेना र राष्ट्रवादी काङ्ग्रेस पार्टी छन् ।
विपक्षी महाविकास अघाडी (एमभीए) मा काङ्ग्रेस, शिव सेना (यूबीटी) र राकांपा (शरदचन्द्र पवार) छन् ।
यो आँकडाले महाराष्ट्रमा भाजपा छाएको छ ।
मतदानमा ५८.२२ प्रतिशत भोट खसेको थियो ।
मतदानका क्रममा बीड विधानसभा क्षेत्रमा निर्दलीय प्रत्यासी बाला साहब शिन्देको मतदान केन्द्रमा नै हृदयाघातबाट मृत्यु भएको थियो ।
मुख्यमन्त्री एकनाथ शिन्दे परिवारका साथमा ठाणेमा मतदान गर्न गएका थिए ।
एग्जिट पोलले पनि बनाएको थियो भाजपा गठबन्धनलाई विजयी
म्याट्रिजको एग्जिट पोलका अनुसार महाराष्ट्रमा सत्ता गठबन्धनको महायुतिको १५० देखि १७० सिट आउन सक्नेछ । त्यस्तै एमबीएको ११० देखि १३० सिट र अन्यको बढीमा १० सिटसम्म आउन सक्ने अनुमान गरिएको छ ।
चाणक्य स्ट्राटिजिजको एग्जिट पोलका अनुसार महायुतिले १५२ देखि १६० सिट जित्न सक्नेछ । एमबीए गठबन्धनले १३० देखि १३८ सिट जित्ने अनुमान छ । बाँकीले ८ सिटसम्म जित्ने अनुमान गरिएको छ ।
जेभीसीको एग्जिट पोलअनुसार महायुतिले १५९ सिट, एमबीएले ११६ सिट र बाँकीले १३ सिट जित्ने अनुमान गरिएको छ ।
त्यो भन्दा निकै माथि भाजपा गठबन्धन दखिएको छ ।
झारखण्डमा पनि मतगणना
झारखण्डमा पनि मतगणना भइरहेको छ । ८१ सिट रहेको झारखण्डमा झामुमो गठबन्धनले ५१ सिटमा अग्रता लिएको छ भने भाजपाले २८ सिटमा मात्र अग्रता लिएको छ । अन्यले २ सिटमा अग्रता लिएको छ ।
