बर्दिया, मंसिर १गते / कम्यूटर एसोसिएसन नेपाल महासंघ (क्यान महासंघ) शाखा कार्यालय बर्दियाको १० औँ बार्षिक साधारण सभा तथा पाँचौ अधिवेशन शनिवार बर्दियाको बाँसगढीमा भएको कार्यक्रममा अध्यक्ष पदमा दिलबहादुर चौधरी सर्वसम्मत निर्विरोध निर्वाचित भएका छन्।
समितिको उपाध्यक्षमा रामप्रसाद थारु, सचिवमा क्षितिज पौडेल, सहसचिवमा रामप्यारे थारु र कोषाध्यक्षमा शंकर प्याकुरेल रहनु भएको छ ।
सदस्यहरुमा गणेश खनाल, पवन पोख्रेल, भगवती पौडेल, कृष्ण सोडारी, दुर्गा प्रसाद चौधरी र श्याम जयसवाललाई चयन गरीएको छ ।
त्यस्तै केन्द्रिय र प्रदेश महाधिवेशन प्रतिनिधि तर्फ गोपाल निरौला र सूर्य के.सीलाई सिफारिस गरिएको नव निर्वाचित सचिव क्षितिज पौडेलले जानकारी दिनु भएको छ ।
कार्यक्रममा संस्थाका अध्यक्ष सूर्य केसीको अध्यक्षतामा भएको कार्यक्रममा संस्थाका केन्द्रिय उपाध्यक्ष ध्रुवराज शर्मा, प्रदेश उपाध्यक्ष नारायण खनाल, क्यान महासंघका संस्थापक प्रसान्त टण्डन लगायतको उपस्थिति रहेको थियो
