भुरिगाउँ, कार्तिक ५ गते / ठाकुरबाबा नगरपालिकाद्वारा प्लास्टिक जन्य फूलको गुच्छा मालाको प्रयोग नगर्न अनुरोध गरेको छ। कार्तिक ४ गते सूचना प्रकाशित गर्दै ठाकुर नगरपालिकाले प्लास्टिकजन्य वस्तुहरूलाई निरुत्साहित गर्दै लैजाने नीति नीति अनुसार अबको दिनमा प्लास्टिक जन्य फूल मालाको प्रयोग नगर्न र नगराउन हुन सरकारी कार्यालय औद्योगिक व्यवसाय तथा सम्पूर्ण नगरवासीलाई अनुरोध गरेको छ।
चाडपर्वको यो समयमा अत्यधिक प्लास्टिकजन्य फूलका माला गुच्छाको प्रयोग अत्यधिक हुने भएको हुनाले प्लास्टिक जन्य फूलहरूको सट्टा स्थानीय कृषकहरूले उत्पादन गरेका फूलका मालाहरूको प्रयोग गर्न अनुरोध गरिएको ठाकुरवा नगरपालिकाका प्रमुख प्रशासकीय अधिकृत नारायण प्रसाद ढकालले बताए ।
प्लास्टिक जन्य सामग्री प्रयोगले वातावरण समेतलाई असर पार्ने भएकोले नगरपालिकाले प्लास्टिकजन्य फुल गुच्छा तथा मालाको प्रयोग नगर्न र नगराउनु सूचना मार्फत जानकारी गराएको छ।
ठाकुरबाबा नगरपालिकाले गरेको यो सूचनालाई अटेर गरी प्लास्टिकका माला तथा पुष्प सामग्री प्रयोग गरेको पाएमा नियमअनुसार कडा कारबाही गरिने समेत सूचनामा जानकारी गराइएको छ।
