बर्दिया, जेठ २ गते / ठाकुरबाबा नगरपालिकामा जेठ २ गते बुधबार बाल अधिकार संरक्षण समितिसंग आपतकालिन अवस्थामा बाल संरक्षण, शिक्षा, प्रजनन स्वास्थ्य अधिकार, यौन तथा लैङ्गिक हिंसाको मामिला व्यवस्थापन सम्बन्धि अभिमुखिकरण कार्यक्रम सम्पन्न भएको छ ।
राधाकृष्ण थारु जनसेवा केन्द्र (आरकेजेएस) को समन्वय र सहकार्यमा संचालित सशक्त बालिका परियोजना अन्तर्गत बुधबार ठाकुरबाबा नगरपालिका वडा नम्बर ३ बगनहामा सरोकारवालाहरुसँग अभिमुखिकरण गरिएको ठाकुरबाबा नगरपालिकाका वडा नम्बर ३ का वडा सचिव केशव प्रसाद खनालले जानकारी दिनुभयो ।
कार्यक्रममा बाल अधिकार समितिसँग बाल अधिकार, बाल अधिकार समितिका काम, कर्तव्यका बारेमा वृहत छलफल गरिएको राधाकृष्ण थारु जनसेवा केन्द्रका फिल्ड सुपरभाइजर साजन चौधरीले जानकारी दिनुभयो । साथ आपतकालिन अवस्थामा बाल संरक्षण, बाल श्रम निषेध, बाल विवाह न्यूनिकरण, लैङ्गिक हिंसा र लैङिगक हिंसा सम्बन्धि कानुनी व्यवस्था र बाल संरक्षणका विषयमा विस्तृत रुपमा सहभागिहरुलाई जानकारी गराइएको समेत चौधरीले बताए।
कार्यक्रममा प्रारम्भिक बाल विकास तथा शिक्षा समामुदायिक प्रारभ्कि बाल विकास निशुल्क तथा अनिवार्य शिक्षा, सुरक्षित जन्म, गर्भ पहिचान र विभेदबाट संरक्षण, पोषण, निशुल्क स्वास्थ्य सहायता, सुरक्षित विद्यालय तथा सार्वजनिक पुर्वाधार, यौन तथा प्रजनन स्वास्थ्य सेवा लगायतको बिषयमा छलफल भएको ठाकुरबाबा नगरपालिका महिला बालबालिका तथा जेष्ठ नागरिका शाखा प्रमुख गोगनसरा आचार्यले जानकारी दिनुभयो ।
कार्यक्रममा विद्यालयहरुमा यौन तथा प्रजनन् स्वास्थ्य शिक्षलाई अनिवार्य गराई किशोर– किशोरीहरुलाई किशोरावस्था, यौन स्वस्थ्य, स्वास्थ्यकर्मीहरुलाई बालबालिको दुव्यावहार तथा हिंसा भई आएको अवस्थामा के गर्ने भन्ने बिषयमा पनि बृहत छलफल गएिको समेत आचार्यले बताए।
कार्यक्रममा ठाकुरबाबा नगरपालिका वडा न ३ का वडाअध्यक्ष श्रीकृष्ण थारु, वडा सदस्यहरु, शिक्षक, स्वास्थ्यकर्मी, वडास्तरीय बाल संरक्षण समिति, बड्घर, टोल विकास संस्थाका अध्यक्ष, बुद्धिजिवीहरु लगायत सरोकारवालाहरुको सहभागिता रहेको थियो ।
