मैनापोखर, जेठ १ गते / बढैयाताल गाउँपालिका वार्ड नं ९ का महिलाहरुलाई दुना टपरी बनाउने तालीम संपन्न भएको छ। बढैयाताल गाउँपालिकाको लघु उद्यम बिकास कार्यक्रम अन्तरगत दुना टपरी बनाउने ५ दिने तालीम संचालन गरिएको बढैयाताल गाउँपालिकाका प्रमुख प्रशासकिय अधिकृत अर्जुन सुवेदीले जानकारी दिनु भयो ।
आयआर्जनलाई टेवा पुगोस भन्ने उद्देश्यका साथ वनमा खेर गै रहेको पातको सदुपयोग पनि हुने र ग्रामीण क्षेत्रमा रहेका महिलालाई थोरै भए पनि आय आर्जनमा टेवा पुग्ने विश्वासका साथ बढैयाताल गाउँपालिकाको लघु उद्यम बिकास कार्यक्रम अन्तरगत दुना टपरी बनाउने तालीम दिइएको बढैयाताल गाउँपालिकाका अध्यक्ष हिमालय त्रिपाठीले बताए।
तालिम बैशाख २७ गते देखि बैशाख ३१ गते सम्म सञ्चालित तालिममा २५ जना स्थानीय महिलाहरुको सहभागीता रहेको समेत पालिका प्रमुख त्रिपाठीले भने । खेर गइरहेको पातको सदुपयोग पनि हुनु, आयआर्जनमा टेवा पुग्ने साथै वातावरणीय दृष्टिकोणले समेत राम्रो रहेकोले यस्ता किसिमका तालीम अन्य बडाहरुमा समेत संचालनको तैयारी रहेको समेत पालिका प्रमुख अध्यक्ष त्रिपाठीले बताए।
