होलिको रङ्ग
प्रकृति
वसन्तको न्यानो अङ्कमालमा
लुट्पुटिएर
अनगिन्ती वनस्पतिका
हागाहागामा तिमी
फूल भएर
मुस्कुराइरहेकी छ्यौ
छरेर यौवन
पालुवाहरुमा तिमी
जगतमा नवीनता छरिरहेकी छ्यौ
जीवनहरुमा रङ्ग ,उमंग भरिरहेकी छ्यौ
तिम्रो यौवनमा
तिम्रो सौन्दर्यमा
विमुग्ध छ प्राणी जगत
म नियाली रहेछु
कोइली गाई रहेछ
जुरेली नाची रहेछ
हरिण ,मृग र सिहहरु
मधुमास मनाई रहेछन्
प्रकृति !
तिमी र वसन्तबीच
प्रणय उत्सवको
यो अनुपम क्षणमा
उत्साहित मान्छेको दुनियाँ
तरङ्गमा छ
उमङ्गमा छ
होलीको रङ्गमा छ।
