बर्दिया, फागुन २५ (माउण्टेनसमाचार)/ गुलरिया नगरपालिका–७ मा अवस्थित बगलामुखी मन्दिरमा धुमधामकासाथ महाशिवरात्री मनाईएको छ । शुक्रबार बिहान देखि मंन्दिरमा पुजा गर्ने भक्तजनको घुईचो लागेको थियो । मन्दिरमा दिनभरि भक्तजनको बाक्लो उपस्थित रह्यो । भक्तजनले भगवान् शिवको प्रिय वस्तु दूध, धतुरो र बेलपत्रलगायत पूजा सामग्री चढाएका थिए ।
मन्दिरमा आएका भक्तजनलाई बगलामुखी मन्दिर व्यवस्थापन समितिले प्रसाद वितरण गरेको छ । दिउँसो ३ बजे देखि ६ बजेसम्म भक्तजनलाई प्रसाद वितरण गरिएको थियो ।
त्यसैगरि महाशिवरात्री पर्वको अवसरमा पिताम्बरेश्वर मन्दिरमा विशेष शिव पुजन, ११ ब्राम्हणद्वारा लघुरुद्रि पाठ, प्रसाद वितरण, बेलुका बगलामुखी मन्दिरमा रहेको यज्ञ कुण्डमा शिवधुनि जागरण/शिव उत्सव र मन्दिर परिसरमा भजन किर्तन गरि धुमधामकासाथ महाशिवरात्री पर्व मनाईएको मन्दिर व्यवस्थापन समितिले जनाएको छ ।
