बढैयाताल, फागुन २४ गते / नेपाली कांग्रेसका नेता एवं नेपाली काङ्ग्रेस बढैयाताल गाउँपालिका सभापति भगत नेपाली माथी साङ्घातिक आक्रमण भएको छ ।
आज फागुन २४ गते बिहिबार बिहान ५ बजे आफ्नो घरबाट नेपालगन्जको क्याम्पसमा अध्यापनका लागि नेपालगन्ज जादै गर्दा मानखोला नजिक नेपाली माथी आक्रमण भएको हो ।
मान झुन्डि सामुदायिक वनको जंगलमा लुकेर बसेका दुई वटा मोटरसाइकलमा आएका व्यक्तिहरूले आक्रमण गर्न खोज्दा आफ्नो सुरक्षाको लागि आफूले चलाएको मोटरसाइकल छोडी जंगलतर्फ गएर ज्यान बचाउन खोज्ने क्रममा नेपाली घाइते भएको पारिवारिक स्रोतले जानकारी दिएको छ।
घटना घटे लगत्तै सोहि सडक खण्डमा व्यक्तिहरु ओहोर दोहोर गरिरहेकाले ठूलो घटना नघटेको बताईएको छ । आक्रमण गर्न खोज्नेहरुको पहिचान भएको छैन ।
घाईते नेपालीको नेपालगञ्ज मेडिकल कलेजमा उपचार भईरहेको छ ।
