बर्दिया, फागुन २३ (माउण्टेनसमाचार)/ गुलरिया नगरपालिका–७ मा अवस्थित बगलामुखी मन्दिरमा धुमधामकासाथ महाशिवरात्री पर्व मनाउने तयारी छ । महाशिवरात्री पर्वको लागि सम्पुर्ण तयारी भईसकेको बगलामुखी मन्दिर व्यवस्थापन समितिले बुधबार पत्रकार सम्मेलन गरि जनाएको हो ।
यस मन्दिरमा प्रत्येक वर्ष धुमधाम महाशिवरात्री पर्व मनाईन्छ । यस वर्ष पनि बगलामुखी मन्दिर प्राङ्गणमा रहेको श्री पिताम्बरेश्वर महादेव मन्दिरमा विशेष पुजा अर्चनासहित महाशिवरात्री मनाईने बगलामुखी मन्दिर व्यवस्थापन समितिका अध्यक्ष दिपक ढुङगानाले बताए ।
बगलामुखी मन्दिर जिल्ला कै पुरानो मन्दिर हो । यस मन्दिरको प्रचार प्रसार नभएर ओझेलमा परेको अध्यक्ष ढुङगानाको भनाई छ ।
फागुन २५ गते(शुक्रबार)महाशिवरात्री पर्वको अवसरमा पिताम्बरेश्वर मन्दिरमा विशेष शिव पुजन, ११ ब्राम्हणद्वारा लघुरुद्रि पाठ, दिउसो ३ बजे देखि ६ बजेसम्म भण्डारा तथा प्रसाद वितरण, बेलुका ७ बजे बगलामुखी मन्दिरमा रहेको यज्ञ कुण्डमा शिवधुनि जागरण/शिव उत्सव र साढे ७ बजे मन्दिर परिसरमा भजन किर्तन तथा प्रसाद वितरणको कार्यक्रम रहेको मन्दिर व्यवस्थापन समितिका सचिव आचार्यले जनाए ।
