बर्दिया,माघ २९(माउण्टेनसमाचार)/ मिडिया साक्षरता कार्यक्रम सुरु भएको छ । लुम्बिनी प्रदेश गृह मन्त्रालयको सहयोग र नेपाल पत्रकार महासंघ लुम्बिनी प्रदेशको आयोजनामा दुई दिने मिडिया साक्षरता कार्यक्रम सोमबार देखि गुलरियामा सुरु भएको हो । कार्यक्रममा बाँके र बर्दियाका संचारकर्मीहरुको सहभागिता छ । प्रशिक्षक प्रकाश रिमाल र किरण कौशलले संचारकर्मीहरुलाई प्रशिक्षण दिएका छन् ।
यस कार्यक्रमले संचारकर्मीहरुको क्षमता विकास हुने लुम्बिनी प्रदेश सांसद राजकुमार चौधरीले बताए । संचारकर्मीको हकहितको लागि आफ्नो तर्फबाट हुने सम्पुर्ण सहयोग गर्ने लुम्बिनी प्रदेश सांसद भुनेश्वर चौधरीले कार्यक्रमको उद्घाटन सत्रलाई सम्बोधन गर्दै बताए ।
मिडिया साक्षरता कार्यक्रम माघ २९ गते र फागुन १ गते गरि दुई दिनको रहने सो कार्यक्रममा नेपाल पत्रकार महासंघ लुम्बिनी प्रदेशका उपाध्यक्ष शुक्ररिषी चौलागाई, महासचिव विक्रम खड्का, पत्रकार महासंघ जिल्ला शाखाका अध्यक्ष यादव आचार्य र पत्रकार महासंघ जिल्ला शाखा बाँकेका अध्यक्ष दामोदर भण्डारी, नेपाल पत्रकार महासंघ बर्दियाका निवर्तमान अध्यक्ष राजेन्द्र प्रसाद धिताल, प्रेस चौतारी नेपाल बर्दियाका अध्यक्ष यज्ञ प्रसाद सापकोटा, प्रेस सेन्टर नेपालका केन्द्रीय सदस्य मेघराज सिग्देल र नेपाल प्रेस युनियन बर्दियाका अध्यक्ष लगायत संचारकर्मीहरुको सहभागिता रहेको छ ।
